Selenyo

Itom asin pulang selenyo

An selenyo (Ingles: selenium) iyo sarong elementong kimikal na may simbolo na Se asin atomikong bilang na 34. Ini iyo dae-meta (pigkokonsidera man minsan bilang metalloid) na may mga karakter na yayaon sa tahaw kan mga elemento sa ibabaw asin irarom kaini sa talaang peryodiko, na iyo an asupre asin teloryo sagkod pagkakapareha sa arsenic. Bibihira ini sa elementong istado kaini o bilang purong "ore" na kompuwesto sa kadagaan nin kinaban. An selenyo — gikan sa taramong Suanoy na Griyego σελήνη (selḗnē) "Bulan" – iyo nadiskobre kaidtong 1817 ni Jöns Jacob Berzelius, na iyo nakarisa kan pagkakapareha nin bagong elemento sa nagligad na nadiskobreng "teloryo" (pigpangaran gikan sa "Kinaban").

An selenyo iyo nahihiling sa mga "metal sulfide ore", kun sain partidang pigriribayan kaini an asupre. Sa komersyo, an selenyo iyo nahihimo bilang sarong "byproduct" sa mga refining kan mga ore. An mga minerals na iyo purong "selenide" o "selenate" na kompuwesto iyo aram pero bihira sana. An pangenot na kagamitang pangkomersyo para sa selenyo ngunyan iyo an paggibo nin salming sagkod mga "pigment". An selenyo iyo sarong semiconductor sagkod piggagamit sa mga "photocells". An aplikasyon sa elektroniko, na iyo kaidto importante, iyo ngunyan harus pigribayan na kan silicon semiconductor devices. Ini iyo piggagamit pa man nin nagkapirang klase nin DC power surge protectors asin sarong klase nin fluorescent quantum dot.

Hilingon man

• Asupre (Sulfur)
• Silikon (Silicon)
• Bromina (Bromine)