Garbansos
An garbansos o garbanso (Cicer arietinum; Ingles, chickpea) sarong pisog-pisog sakop kan pamilyang Fabaceae, subpamilya Faboideae. Ini mayaman na gayo sa protina, sa mga fiber asin ibang mga bitamina arog kan iron, phosphate, calcium, magnesium, manganese, zinc, asin bitamina K na maray pagpasarig sa mga tu'lang. Ini antigo pang tinanom sa Tangang Subangan mala ta may nakotkot kan siring na nag'eedad nang 7,500 taon.[1]
Ini ginagalapong, ginigibong arina asin sarong pagkakan apod falafel. Ginagamit man ini pansalak sa mga salad asin sa mga sopa. Ini importanteng sangkap sa mga gisong Arabo asin Indyano. Kan 1916, an Indya nagprodyusir 65% kan total na produksyon sa kinaban.[2][3]
