A Wild Sheep Chase

A Wild Sheep Chase

First edition (Japanese)
Nasyon	Japan
Tataramon	Japanese
Genre	Surreal novel, magical realism
Kagpublikar	Kodansha International
Taon kan publikasyon	October 15, 1982
Published in English	December 31, 1989
Klase nin media	Print (Hardcover)
Pahina	299 (US) 405 (JP)
ISBN	0-87011-905-2 (US) ISBN 4-06-200241-8 (JP)
OCLC	19670739
Dewey Decimal	895.6/35 20
LC Class	PL856.U673 H5713 1989
Bàgo kan	Pinball, 1973
Sinundan kan	Dance Dance Dance

An A Wild Sheep Chase (羊をめぐる冒険, Hitsuji o meguru bōken) (literal na mababasa bilang An Adventure Surrounding Sheep) iyo an ikatulong nobela kan Hapon na parasurat na si Haruki Murakami. Inot ining pigpublikar sa Japan kan 1982, dangan ini ipigpalis man sa Ingles kan taon 1989. Saro ining indipendyenteng sequel sa Pinball, 1973, asin pangatulong libro man sa trilohiyang inaapod na "Trilogy of the Rat". Guminana man ini kan 1982 nin Noma Literary Newcomer's Prize.

Sa A Wild Sheep Chase, pinagsaralak ni Murakami an mga elemento nin Amerikano asin Ingles na literatura na may mga kontekstong Hapones, kun sain pig-aagihan man an post-WWIII Japan na kultural na identidad. An libro sarong may pagkamisteryo asin parsyal na realismo na igwang postmodern na atake.

An A Wild Sheep Chase pigsasabing sarong parodiya o pagbago sa sinurat ni Yukio Mishima na Natsuko no Bskuken (ה, Natsuko's Adventture).

An istorya

An quasi-detective na istoryang ini manungod sa dai nginaranan na parasigarilyong narrator asin an saiyang mga agi-agi sa Tokyo asin Hokkaido kan taon 1978. Nagpuon an istorya kan an kakadibursyo pa sanang protagonista, sarong ehekutibo sa pagpapatalastas, nagpublikar nin litrato nin sarong pastoral scene kun sain ini man pigpadara sana saiya bilang sarong surat kan haloy nya nang amigo na si 'Rat'. Pigsusog sya nin sarong misteryosong lalake na pigrerepresentar man bilang si 'The Boss', sarong sentral na pwersa sa likod kan mga politikal sagkud ekonomikal na mga elitista. Ini pano, madali nang magadan. An sekretarya kan Boss, nagsabi na idtong karnero na igwa nin korteng bituon na pananda, na nahiling man sa patalastas, kaagid na gayo sa sekretong pigkukuanan nin kusog kan saiyang among asin igwa sana sya nin duwang bulan tangani na ini makua, kun dai, an saiyang karera sagkud buhay mapaparaot. An parasaysay kan istorya dangan an saiyang ilusyon, na igwa nin kapasidad na makadangog nin mga supernatural na bagay, nagpasiring sa norte kan Japan tangani na hanapon an karnero asin an katuod kaini. Mantang nadidiskubre nya na sinusundan sya nin dai maaraman na kapangyarihan, nakaengkwentro man sya nin mga pigura hali sa saiyang nakaagi, mga makunswelong karakter, asin mga indibidwal na nainot nang nahiling idtong nawawarang karnero.

Paghiling

An A Wild Sheep Chase nakaresibe man nin maninigong pagmidbid halis sa Western literary critics, arog halimbawa ki Herbert Mitgang kan The New York Times Book Review, kun sain pig-omaw kaini sa saiyang review kan 1989 an libro bilang "Youthful, slangy, political and allegorical", dangan, "What makes ''A Wild Sheep Chase'' so appealing is the author's ability to strike common chords between the modern Japanese and American middle classes, especially the younger generation, and to do so in stylish, swinging language. Mr. Murakami's novel is a welcome debut by a talented writer who should be discovered by readers on this end of the Pacific."

Nagigirumdoman ni Murakami na an mga editor kan Gunzo, sarong magasin na Hapones na nagpublikar na kan saiyang mga isinurat, na dai ninda suno an "A Wild Sheep Chase" huli ta dai iyan uso para sa mga nobela kan panahon na idto. An popular na pagbisto igdi, masasabi man na positibo asin nagi pa ngani ining pampuon-puon nya bilang sarong nobelista.

Mga prequel asin sequel

Ini an ikatolong libro ni Murakami sa "The Rat" Trilogy ', na sinundan nin Hear the Wind Sing asin Pinball, 1973. Sinusunod kan tolong libro na ini an abentura nin sarong dai nginaranan na parasaysay asin saiyang katuod na inaapod na "The Rat".

Gabos na tulong nobela hali asin masususog pabwelta sa panahon kan Nobyembre 25, 1970, kun sain an Hapon na parasurat asin aktibistang right-wing na si Yukio Mishima nagkomiter nin seppuku matapos an dai nadagos na coup attempt sa kampo kan Japan Self Defence Forces. Pira sa mga kritikong Hapon minasabi na an A Wild Sheep Chase sarong parodiya kan The Adventure of Natsuko na pigsurat ni Mishima.

An sequel na Dance, Dance, Dance, nagpapadagos sa mga abentura kan dai nginaranan na protagonista. An mga istaran asin karakter sa A Wild Sheep Chase, lalo na an Dolphin Hotel, an dai nginaranan na kailusyon kan parasaysay, asin an misteryosong Mga Karnero. Minsan siring, an istorya kaiyan, tono, asin an mayoriya kan mga karakter naiibang marhay tanganing ini maheling na suway sa "Trilogy of the Rat."[1]

Gawad

• 1982 Noma Literary Newcomer's Prize

Apat na Libro

A Wild Sheep Chase (English edisyon) ni Haruki Murami; Dinakitaramon ni Alfred Birnbaum.

• Hardcover - ISBN 08701-901-905-2, na ipinublikar kan Oktubre, 1989 ni Kodansha International.00. HHardcover.ː.00.[2]
• Paperback - ISBN 0-452-2516-9, na ipinublikar kan Nobyembre 1, 1990, ni Plume Fiction. Paperback.ה.
• An Paperback - ISBN 0375-7894-X, na ipinublikar kan 2002 ni Vinthae International.Paperback./.

Mga susugan

Pinopoonan an artikulong ini.