Kabupaten Samosir
Samosir (Surat Batak: ᯘᯔᯬᯘᯒᯪ᯲) ima sada kabupaten na adong di propinsi Sumatera Utara, Indonesia. Indung kotana adong di kecamatan Pangururan. Kabupaten on marupahon pangambangon sian Kabupaten Toba une dohot Ruhut-Ruhut Nomor 36 taon 2003 i hala 18 Desember 2003 tontang Pembentukan Kabupaten Samosir huhut Kabupaten Serdang Bedagai.
Tarompa ma Samosir on gabe Kabupaten imbaru marupahon langka parjolo laho mampadenggan dohot parhatopon pembangunan asa lam silas ni roha masarakat. Di tonga ni taon 2023 jolma di kabupaten Samosir on sagodang 143.944 halak.[1]
Geograpi
[patota | patota mualna]| Batas Luat | |
|---|---|
| Utara | Kabupaten Karo dohot Kabupaten Simalungun |
| Habinsaran | Kabupaten Toba |
| Apotan | Kabupaten Tapanuli Utara dohot Kabupaten Humbang Hasudutan |
| Hasundutan | Kabupaten Dairi dohot Kabupaten Pakpak Bharat |
Demograpi
[patota | patota mualna]Suku na adong
[patota | patota mualna]Suku na godang di kabupaten Samosir on ima bangso Batak Toba, sarupa ma dohot Kabupaten Tapanuli Utara. Asingni, adong deba bangso batak, ima Batak Simalungun, Batak Karo, Batak Angkola dohot Batak Pakpak. Adong muse ma suku na asing songon, Jawa, Minangkabau, dohot Tionghoa na boi didapothon di kecamatan Pangururan, Harian, dohot Simanindo.
Bahasa na dipakke
[patota | patota mualna]Bahasa na dipakke i kabupaten Samosir on ima bahasa Batak Toba alana Batak Toba do bangso tulen dohot na godang di Samosir, ale tong do Bahasa Indonesia ipakke alana bahasa resmi di Indonesia.
Haporeseaon
[patota | patota mualna]Jolma di kabupaten Samosir godang na marugamo Kristen Protestan dohot Katolik, deba nai marugamo Islam. Haporseaon bangso tulen di kabupaten Samosir on ima na idok Pamalim. Ibereng sian data Kementerian Dalam Negeri taon 2021 tarsurat ma haporseaon halak kristen 98,90%, ima Kristen Protestan 56,47% dohot Katolik 42,43%. Debanai na porsea ugamo Islam 1,10, muse adong ma haporseaon Parmalim dohot ugamo Buddha 0,01%. [2]
Etong jabu ibadah i taon 2021 di kabupaten Samosir, ima: [3]
- Gareja Protestan sagodang 337 jabu
- Gareja Katolik sagodang 140 jabu
- Masojit sagodang 3 jabu
Pariwisata
[patota | patota mualna]
Kabupaten Samosir merupahon kota na godang tempat wisata di Sumatera Utara, godang do paredang na ro tu son alana aning mangaoti Tao Toba. Pulo Samosir na adong di tonga-tonga Tao Toba, merupahon lokasi di kabupaten Samosir na menyediahon wisata adat bangso Batak Toba. Taentaenan bangso Batak Toba, Jabu na marisi pustaha dohot barang antik, inganan na mambaen ulos, pasir tao, Tortor, Panganan bangso Batak Toba, Sigale-gale, boi diida di kabupaten Samosir.
Di 2 Pebruari 2022, Presiden Indonesia, Joko Widodo nunga meresmihon dua abalan wisata adat di Samosir, ima Huta Ulos Huta Raja di Pangururan dohot Huta Siallagan di Simanindo.[4] Asingni adong muse Tomok na manjadi tujuan wisata di Samosir.