Čemeris

Čemeris da kėtap atgėrė, čemerės (dgs.) (luotīnėškā: Veratrum) ī tuokis augals. Lietovuo daugomuo ī ėšnīkė̄s, ale sīkēs augėnams šalėp nomū.

Anėim tink derlingas, driegnas dėrvas, ūksmietas aba švėisuokas vėitas. Tas daugiametis augals ī. Lapā čemerė dėdli ī, žėidā būn balti, rožavi, žaluoki ėr ožaug ont ėlgū stombriū.

Vėsos čemeris troča ī, ale tepuogė ė liekarstos. Anou šaknis, šaukiamas čemerīčėm, basē kartės ī, anūm taisa nug skrondė skausmū, doud karvėm nug kartuokšlė oždegėma.

Dielē tou augala kartoma žmuonis čemerio vadėn bikuoki baisē kartu dākta, biesa, smerti.