Reng (Fluss)
| Reng (Fluss) Regen (Fluss) | ||
.svg) Koartn vom Flussvalaaf | ||
| Datn | ||
|---|---|---|
| Gwassakennzoi | DE: 152 | |
| Log | Deitschland | |
| Flusssystem | Donau | |
| Ursprung | Zammfluss vom Schwoazn und Weißn Reng bei Pulling 49° 9′ 33″ N, 12° 49′ 55″ O | |
| Quäinhächn | 381 m ü. NN (553 m S.Regen, 580 m W.Regen) | |
| Mindung | in de DoanaKoordinaten: 49° 1′ 25″ N, 12° 6′ 28″ O 49° 1′ 25″ N, 12° 6′ 28″ O | |
| Mindungshächn | 325 m ü. NN | |
| Hächnuntaschied | 56 m | |
| Läng | 103 km[1] | |
| Eizugsgegnd | 2.953 km²
| |
| Linke Nebnfliss | Perlbach | |
| Rechte Nebnfliss | Chamb | |
| Grousstädt | Rengschburg | |
| Kloastädt | Cham, Roding, Nittenau | |
 | ||
Da Reng, amtl.: Regen (tschechisch: Řezná), is a 169 km langa Fluss z Ostbayern unz Tschechien, is ano a linka Nemfluss fo da Doana und da lengste Fluss fo da Owabfoiz.[2]
Da Nam
[Werkeln | Am Gwëntext werkeln]De Geamana hom Regana gsogt kod. D Rema fom Castra Regina, schbada Rengschburg, hom des ois Reganum oda Reganus iwanumma. Im 11. Joahundat homs Regin gschriim und af a Urkund fo 1140 easchdmois Reng.
Wou da Nam fiara kemma is, des woas ma ned gnau, an käitischn Uaschbrung ko ma ned ausschliassn. Fui fo de Oat am Reng hom an Bezuag zan Nam. D Stod Reng is vamuadle zweng ira Log zan Reng so gnennd. Andare san, Rengdoaf, Renghittn, Rengpeilstoa, Rengstauf und Weissnreng, wia aa da oide Nam vo Roahausn, Reginhusen (Haisa am Reng). Da Oatsnam vo Rengschburg kummt fom lateinischn Castra Regina (Loga am Reng).
Eadkund
[Werkeln | Am Gwëntext werkeln]Kwäifliss
[Werkeln | Am Gwëntext werkeln]
| Groußa Reng | ||
| Gwassakennzoi | DE: 152 | |
| Log | Tschechien, Bayern | |
| Flusssystem | Donau | |
| Obfluss iwa | Reng → Doana | |
| Quäin | Am Sidhong vom Panzer (Pancíř) 49° 10′ 13″ N, 13° 15′ 14″ O | |
| Quäinhächn | 875 m n.m. | |
| Zammafluss | in Zwiesl mid Gloan Reng zum Schwoazn Reng 49° 0′ 47″ N, 13° 13′ 39″ O | |
| Mindungshächn | 553 m ü. NN | |
| Hächnuntaschied | 322 m | |
| Läng | 22,4 km
| |
| Kloastädt | Zwiesl | |
| Gloana Reng | ||
| Gwassakennzoi | DE: 15212 | |
| Log | Tschechien, Bayern | |
| Flusssystem | Doana | |
| Obfluss iwa | Schwoaza Reng → Reng → Doana | |
| Quäin | Sidwesthong vom Medvědí Hora 48° 59′ 13″ N, 13° 24′ 58″ O | |
| Quäinhächn | 1200 m n.m. | |
| Zammafluss | in Zwiesl midn Groußn Reng zum Schwoazn Reng 49° 0′ 47″ N, 13° 13′ 39″ O | |
| Mindungshächn | 553 m ü. NN | |
| Hächnuntaschied | 647 m | |
| Läng | 16,2 km
| |
| Duachflossne Stausään | Trinkwossatoisperre Frauenau | |
| Kloastädt | Zwiesl | |
| Schwoaza Reng | ||
| Gwassakennzoi | DE: 152 | |
| Log | Bayern | |
| Flusssystem | Donau | |
| Obfluss iwa | Reng → Donau | |
| Ursprung | Zammafluss vom Groußn und Gloan Reng in Zwiesl 49° 0′ 47″ N, 13° 13′ 39″ O | |
| Quäinhächn | 553 m ü. NN | |
| Zammafluss | bei Pulling mid Weißn Reng zan Reng 49° 9′ 33″ N, 12° 49′ 55″ O | |
| Mindungshächn | 381 m ü. NN | |
| Hächnuntaschied | 172 m | |
| Läng | 52,3 km
| |
| Linke Nebnfliss | Rinchnacher Ohe, Schlossauer Ohe, Teisnach, Aitnach | |
| Duachflossne Stausään | Renger Sää, Höinstoasää, Blaibacher Sää | |
| Kloastädt | Zwiesl, Reng, Viechtach | |
| Weißa Reng | ||
| Gwassakennzoi | DE: 1522 | |
| Log | Bayern | |
| Flusssystem | Doana | |
| Obfluss iwa | Reng → Doana | |
| Quäin | Gloana Arbasää 49° 7′ 25″ N, 13° 7′ 14″ O | |
| Quäinhächn | 918 m ü. NN | |
| Zammafluss | bei Pulling mid Schwoazn Reng zum Reng 49° 9′ 33″ N, 12° 49′ 55″ O | |
| Mindungshächn | 381 m ü. NN | |
| Hächnuntaschied | 537 m | |
| Läng | 32,1 km
| |
| Kloastädt | Bad Kötzting | |
Fom Siidhang fom Pancíř (Panzer, 1214 m) in da Nat fo da Sidlung Zadní Pancíř im Behmawoid, kimd da Grousse Reng, fliassd siidwesdle iwa Železná Ruda und Alžbětín z Boarisch Eisnstoa af Baian umme. Da Gloa Reng (Malá Řezná) kwäid noadesdle am Fuas fom Groussn Rachl (Medvědí hora) im Rachlwoid (Roklanský les), oan Kilomäda fo da Boarischn Grenz weg, in da Tschechei. Da Gloa Reng laafd af Noadwesdn iwad Dringwossatoisperrn Frauanau.
Da Grouss und da Gloa Reng fliassn z Zwiesl zam und draus wiad da Schwoaze Reng. Zwischn da Stod Reng und Veita schiabda se aaf Boarisch Kanada, a ooglengna Landschdriich, wose nedamoi Fux und Hoos guadnochd song. Fiad Kanufara han de zwe Wuidwossaoschnitt Bärnloch und Oidriegl (Gumpnriada Schwoi) gfrogd. Duad hom se owa scho a boo darennd. Fia de zwe Oschnitt is Wuidwossa - Ausrisdung oiwai eafoadale, im Bärnloch is Rettungswestn und Häim Bflichd.[3]. Fian Reng gäds weida duacha ned bsiedlds Land, bisa aaf Teisnach kimd und duad da gleinamade Fluss in Schwoazn Reng laft. Im Oat is a Babiafabrik ogsidld, de wou fom Fluss mid Wossa fias Babiamocha fasoagd wiad. No Veita gäds duach de zwe Stausään Höinstoasää und Blaibochasää.
Da Sääbo kimd ausm Gloan Arbasää fiara und zam mim Eembo ba Sommarau, wiada da Weiss Reng und fliassd weida af Lohberg und Lam zure. De Bohstreck Lam – Bad Ketzing iwa Arrach, Hohnwarth und Grafnwiesn, aaf Pulling z Bad Ketzing foigd an Weissn Reng.
Da Weiss und da Schwoazz Reng drefa se dano z Pulling zwischa Bad Ketzing und Blaiboch untahoi fo da Staumaua fom Blaibocha Sää. Fo do o, wiada Reng gnennd. Owa de Oaheimischn Uaeiwona song za oisamd Kwäifliss grod Reng.
Da Fisch im Reng
[Werkeln | Am Gwëntext werkeln]Im Reng hand fui Fisch. Im Schwoazn Reng san:
Eiropäischa Aal, Aitl, Eiropäische Äsche, Bochforäin, Bochsaibling, Barbe, Flussbarsch, Bochschmerle, Braxn, Elritze, Grindling, Güster, Hasl, Hecht, Huchn, Karpfa, Groppe, Ukelei, Moderlieschen, Nosn, Rengbongforäin, Routaugn, Routfeda, Quappe, Schleie, Schneida, Walla, Zanda. Bsondas is da Huchn.
Landschaften
[Werkeln | Am Gwëntext werkeln]Rengsenk
[Werkeln | Am Gwëntext werkeln]Fo Zwiesl aaf Cham fliassd da Reng duachd Rengsenk, de an hintan Boarischn Woid noadesdle fom foadan Boarischn Woid und an Foikastoana Foawoid siidwesdle ausanand hoit. Da Folaaf fom Reng wiad, aa no da Rengsenk, oiwei wida fom Bfoi, Pfahl (is a Quarzgang) gleit.
Natuaschutzgebiet Rengtoiau
[Werkeln | Am Gwëntext werkeln]
In da Cham-Furtha Senk zwischa Cham und Pösing weit se s Flusstoi stoag, da Fluss mäandert in weide Schleifan. Do is a neis Natuaschutzgebiet, d Rengtoiau firakema.[4]. Mid za. 1427 ha is des mid Oostand grässde Natuaschutzgebiet in da Owabfoiz, nem däm fom Künischn Gebirg am Owalaaf fom Reng, wos teiweis in da Tschechei ligt. 1974 is s easchde, 10 ha grousse Schutzgebiet siidle fo Cham aafkema gwen. S Kernland fom Naturschutzgrousprojekt Rengtoiau hod 1776 ha.[5] D Aunlandschaft mid Erln - und Weidngsamdn Waian und Oidwossa, isa wichdiga Rickzugsoat fia Wiesnbriata. Do kama Uferschnepfn, Bekassine und Grousse Brachfegl im Bruatbiotop ooschaung, owa aa Zuagfegl wia Kambflaifa, Dunkla Wossalaifa, Greaschenkl oda Singschwän bam Duachzug.
Weidare hand Biba, Schwoazhoisdaucha, Wachtlkene, Routschenkl, Leffla, Blaukehlchen, Eisvogl, Moafrosch, Laubfrosch und Gäibbauchunke. A fia Vegetation (z. B. Kleinseggen, Binsn) und säitane Insektn is s Natuaschutzgebiet a wichtiga Standoat.
Z Cham-Untatraumboch is a Beobachtungsstation mid Aussichtstuam.
Rengtoi
[Werkeln | Am Gwëntext werkeln]
Z Roding umma, rind da Reng ina broade Toisoi, de an Foikastoara Foast vo da Bonwöhra Senk drennt. Uma Stefling wiads Toi enga und biagd z Marienthoi no Siidn o. Im enga Toioschnitt bis aaf Hirschling mid seine steila Häng, wind se da Fluss glei gonimma. Fo Hirschling aaf Rengschburg weit se s Toi wida.
Pflanzn, de wos gern woam hom und de aa im Doanaram fiakemma, han im Rengtoi gnau richte. Aussahoi foda Toilog hods woame Beaghäng, wou Driggawiesn (Trockenrasen) und Kiefanwoid woxn. Do gfind se ara Schluchdwoid an da Buag Stefling und da Buagruin Stoggafäis.
Mindung
[Werkeln | Am Gwëntext werkeln]
Z Rengschburg, gnau bei Roahausn, mind da Reng in d Doana. Grod af seine lezdn 530 Mäda [6] wiad da Reng fo da Berufsschiffarai gnuzd und is ois Bundeswossastraß [7] ausgwiesn, owa grod mid 100 Mäda [6] Läng.
Nemfliss
[Werkeln | Am Gwëntext werkeln]Zuafliss in Reng :
- De Teisna z Teisnach in Schwoazn Reng
- De Oidna z Veita in Schwoazn Reng
- Da Lambo z Lam in Weißn Reng
- Da Doudnbo z Grafnwiesn in Weißn Reng
- Da Perlnbo z Miltach
- Da Roßbo z Chamerau
- Da Chamb z Cham, grässda Zuafluss in Reng
- Da Perlbo zwischa Wiasing und Imhof z Roding. Sei oida Nam is (Houdeitsch: Miethnach)
- Da Diesnbo z Diesnboch
- Da Wenznbo z Zeitlan
_Lappersdorf.jpg)
Wiatschaft
[Werkeln | Am Gwëntext werkeln]S Wossa fom Reng wiad fias Dringwossa und fiad Enagiegwingung gnuzd. Aa heid no, gibds am Reng Mäina (Mühlen), a wen ned oisamd gnuzd wean und fafoin. Hoizfaoawadung und Babiamocha is a wichtiga Wiatschaftszweig.
s Drifdn
[Werkeln | Am Gwëntext werkeln]Scho im Middloita is da Reng fiad Fleßarei brauchd woan. Uma 1847 is da Reng bis af Zwiesl floßbar gwen. Am 12. Aprui 1847 hande easchdn siim Fleß mid Breda fo Zwiesl af Rengschburg gfon gwen. Im Woid um Zwiesl uma, homs Schwäin baud, wos Wossa fo de Zuafliss gstaud woan is. Aa da Gloa Arbasää is fo 1885 oo ois Stausää gnuzd woan. Owahoi fo Zwiesl homs s Hoiz an da Drifdsperr gsamed kod, aafteit und dano weida iwan Reng owe drifdn lossn. Gfiachd iss Bärnloch gwen, a fia Kilomäda lange Streck owahoi fo Teisna, gramed foi mid Fäisn. Duad hom se de Baam gfangd, owa scho so fäi dasd gmoand hosd auwää. No homses ausanand zong und weida driim, wos frale aa gfeale fiad Oawada gwen is. Holländer-Stämm hanaso iwa Rengschburg und an Ludwig-Doana-Main-Kanai bis aaf Holland glangd gwen. Aussa Breda und Stämm, isara Scheithoiz drifd woan.
Ois da Höinstoasää baut woan is, iss aa mid da Fleßarei af Rengschburg und Cham goa gwen. Bis afs End fo de 1950a Joo nai homs no Drifd kod. Zlezd sans no fo Zwiesl aussa, za Babiafabrik Teisnach gfon gwen, owa wias no 1955 an Renga Sää baud kod hom, iss gor gwen.
Lidaradua
[Werkeln | Am Gwëntext werkeln]- Franz X. Bogner: Der Regen. Ein Luftbildporträt vom Arber bis Regensburg. Pustet, Regensburg 2007, ISBN 978-3-7917-2054-8 (Bildband).
- Bärbel Kleindorfer-Marx (Hrsg.): Der Regen. Kultur und Natur am Fluss. Buch & Kunstverlag Oberpfalz, Amberg 1996, ISBN 3-924350-56-6.
Beleg
[Werkeln | Am Gwëntext werkeln]- ↑ Koartenservice vom Bayrischen Landesamtes fia Umwejd
- ↑ Kanu-Wanderführer für Bayern, 9. Auflage, S. 54.
- ↑ VO LRA Regen vom 24. Juli 2007 Nr. 33-641-4
- ↑ http://www.regierung.oberpfalz.bayern.de/leistungen/umwelt/info/naturschutzgebiete/nsg_cha/regentalaue/066_info.htm Archivierte Kopie (Memento des Originals [1] vom 12. Mai 2014 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
- ↑ Archivierte Kopie. Archiviert vom Original [2] am 10. Novemba 2014; abgerufen am 10. November 2014..
- ↑ 6,0 6,1 Längen (in km) der Hauptschifffahrtswege (Hauptstrecken und bestimmte Nebenstrecken) der Binnenwasserstraßen des Bundes (Memento des Originals [3] vom 21. Jénner 2016 im Internet Archive) Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis., Wasser- und Schifffahrtsverwaltung des Bundes
- ↑ Verzeichnis E, Lfd. Nr. 44 und 6 der Chronik (Memento des Originals [4] vom 22. Juli 2016 im Internet Archive) Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis., Wasser- und Schifffahrtsverwaltung des Bundes
Im Netz
[Werkeln | Am Gwëntext werkeln]
Commons: Reng – Sammlung vo Buidl, Videos und Audiodateien