Landkroas Bassa

Wappen	Karte

Basisdaten
Bundesland:	Bayern
Regierungsbezirk:	Niedabayern
Vawoitungssitz:	Bassa
Flächn:	1.530,29 km²
Eihwohna:	188.336 (31. Dezemba 2015)
Bevoikarungsdichtn:	123 Eihwohna je km²
Kfz-Kennzeichn:	PA
Kreisschlüssl:	09 2 75
Kreisgliederung:	38 Gmeindn
Adressn vo da Kreisvawoitung:	Domplatz 11 94032 Passau
Offizielle Website:	www.landkreis-passau.de
E-Mail-Adresse:	[email protected]
Politik
Landrat:	Meyer Franz (CSU/Bürgerunion)
Karte

Da Landkroas Bassa (amtl: Landkreis Passau) ligt im Regierungsbezirk Niedabayern. Ea grenzt im Noadn an Landkroas Freyung-Grafenau, im Ostn an Bezirk Rohrboch und im Sidn an Beziak Schadding, de wo beide zu Obaestareich ghean, im Westn is da Landkroas Rotdoi-Inn und im Noadwestn is da Landkroas Deggndoaf. De kroasfreie Stod Bassa wiad im Nordn, Westn und Sidn vom Kroasgebiet umschlossn.

Geografie

Durch an Landkroas fliasst vo Nordwestn nach Siidostn de Doana. De Doana is im Ostn a Grenzfluss zu Estarreich. De Doana teilts Kroasgebiet in zwoa Landschaftn. Im Nordn is da Boarische Woid bis auf a Heh vo fost 1000 m. Vom Boarischn Woid kimmt de Ilz, de wo z Bossa a d'Doana mindt. Im Südn vo da Doana ligt a Hügllandschaft, de se südwärts bis zum Rotdoi eastreckt. D Rott mindt bei Neihaus am Inn an Inn ei. D Veyds (oda in Obabayern Vuis) mindt bei Veizof a d'Doana ei.

Wappm

As Wappm vom Landkroas zoags ibam Scheidlhachsn mid boarische Rautn links an roudn Woif und rechts an roudn Pantha. As Wappm symbolisiad an Zammschluß vo de friaran Landkroas Wegschoad, Veizhof und Griaschbo.

Da Woif soid an den oidn Hochstift Bassa erinnan, dea wo as heidige Zentralgebiet vom Landkroas is. Da Pantha stehd fia des friara zu Veizhof und Griaschbo ghearade Gebiet. D Rautn stengand fia d boarische Behördenorganisation, de wos in ganz Bayern gibt.

Bolitik

Da Landrod vom Landkroas Bassa is da Franz Meyer (CSU), dea wos noch da Kommunalwoi 2008 den langjaarign Landrod, an Dorfner Hanns, oglest hod. Mid 66,7 % vo de Stimmn hoda geng d Teuchner Jella vo da (SPD) gwunga, de wos 12% vo de Stimmn griagt hod, und genga d Marieluise Erhard (Freie Wähler).

Religion

Da Landkroas is katholisch prägt. Aussa da Gmoa Otnbuag, de wos historisch gseng evangelisch prägt is. Insgesamt hand 84% vo da Bveikarung remisch-katholisch und 8,1% evangelisch. Diozesn Bassa hod Bundesweid gseng de olla mehran Kiachnaustritt.

Städt und Gmoana

(Eihwohna am 31. Dezemba 2020^[1])

Städt:

Bad Griasboch im Rottoi (8.859)
Hauznbeag (11.523)
Bocking (15.499)
Veydshof a da Doana (16.251)

Märkt:

Oambo (2.963)
Eging a. See (4.269)
Fiaschtnzei (7.987)
Hofkircha (3.581)
Huading (5.914)
Kessling (1.891)
Obanzoi (3.795)
Otnbuag (7.090)
Rotthalmünsta (4.885)
Ruaschtoaf a.d.Rott (6.944)
Dilling (4.008)
Untagriasboch (6.004)
Wegschoad (5.579)
Widoaf (4.762)

Gmoana:

Oacha voam Woid (2.435)
Oidasboch (4.224)
Fiassing (6.994)
Beidlschbo (1.110)
Breitnbeag (2.083)
Bichlbeag (4.104)
Fürschtnstoa (3.399)
Hoaba (2.587)
Kiachhom (2.195)
Moiching (1.247)
Neibuag a.Inn (4.394)
Neihaus a.Inn (3.415)
Neikircha voam Woid (2.748)
Ruadading (3.128)
Soizweg (6.813)
d'Sunna (1.432)
Denwoas (1.700)
Dianau (4.343)
Diaffaboch (6.713)
Witzmannsbeag (1.468)

Vawoitungsgmoaschaftn:

Dilling mit am Moakt Dilling und Witzmannsbeag
Oambo mit am Moakt Oambo und Beidlsboch
Rotdoiminsta mit am Moakt Rotdoiminsta und Moiching

Da Landkroas Bassa voa da Gebietsrefoam 1972

Da Oidlandkroas Bassa hod se a 39 Gmoan gliadat. Geographisch hoda wia heind a, d kroasfreie Stod Bassa umschlossn, wo seinazeid a scha s Landratsamt sein Sietz kod hod. Umadum wand d Landkroas Griasboch, Veizhof, Grafenau, Wolfstein und Wegschoad (am Uhrzeigasinn). A da obaestarreichischn Seitn hod da Landkroas an Bezirk Schadding grenzt.

Wappm

Datei:Wappen Landkreis Passau (alt).jpg

As oide Wappm vom Landkroas Bassa

As oida Landkroaswappm is 1968 gnemigt won. D Boarische Rautn am oban Teil soid Zuaghearigkeit zu Bayern symbolisiad. Da Bassaua Woif a da heraldisch rechtn Seitn is fia d Stod seiba und fian Hochstift Passau gstandn. De drei Wellenboikn a da linkn Seitn hand fia de drei Fliss Doana, Inn und Ilz gstandn, de wo duach as Gebiet vom oidn Landkroas fliassand.

De Gmoan voa 1972

Nam vo da Gmoa	Eihwohna 1933	Eihwohna 1962	Heidige Gmoa
Bichlberg^[2]	1936	2071	Bichlberg
Diafanbo	1212	1916	Diafanbo
Dilling	2521	3539	Dilling
Donauwetzdorf	529	331	Thyrnau
Doafbo	759	723	Otnbuag
Eglsee	633	589	Ruahstoaf
Eholfing	287	250	Ruahstoaf an der Rott
Engatsham	906	968	Fiaschtnzei
Fiaschtnzei	1787	3146	Fiaschtnzei
Fiaschtnstoa	2614	3503	Fiaschtnstoa
Gruabweg	1229	4544	Bassa
Hacklberg	2603	4263	Bassa
Hois	1251	1664	Bassa
Haselbach	781	1001	Tiafanbo
Heastod	826	1008	Fiaschtnzei
Heining	2504	5232	Bassa
Huading	981	1966	Huading
Kejberg	1024	1380	Thyrnau
Minga	771	1033	Huading
Neibuag am Inn	816	1073	Neibuag am Inn
Neihaus am Inn	932	1314	Neihaus am Inn
Neikiacha am Inn	1294	1449	Neibuag am Inn
Neikiacha voam Woid	1294	1869	Neukirchen vorm Wald
Niasching	512	522	Bichlberg
Oacha	1325	1435	Oacha
Oberdiendorf	390	789	Hauznberg
Oitnmoak	913	1056	Fiaschtnzei
Prag	1014	1207	Huading
Rassberg	530	630	Hauznberg
Ruadading	1001	1554	Ruadading
Soizweg	867	1451	Soizweg
Sandbo	1086	1202	Vejzhof
Stroßkiacha	828	961	Soizweg
Suizbo	391	563	Ruahstoaf
Thyrnau	937	1351	Thyrnau
Voglen	456	403	Fiaschtnzei
Vornbach	644	696	Neihaus am Inn
Witzmannsberg	1331	1297	Witzmannsberg
Wotzdorf	1262	2003	Hauznberg

Beleg

↑ Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).
↑ Auf Archivierte Kopie. Archiviert vom Original [1] am 28. Dezemba 2016; abgerufen am 11. Januar 2017. erscheint die Gemeinde Büchlberg unter dem Namen „Leoprechting“, das in dieser Gemeinde liegt. Im Landkreisbuch zum 100-jährigem Bestehens des Landkreises findet sich jedoch kein Hinweis auf eine Umbenennung der Gemeinde.

Im Netz

Commons: Landkroas Bassa – Sammlung vo Buidl, Videos und Audiodateien

Offizielle Website des Landkreises
Landkroas Bassa: Woppmgschicht vom Haus der Bayerischen Geschichte
Landkroas Bassa: Amtliche Statistik vom Bayerisches Landesamt für Statistik und Datenverarbeitung (LStDV)

Landkroas und kroasfreie Städt vo Bayern

[1] Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).

[2] Auf Archivierte Kopie. Archiviert vom Original [1] am 28. Dezemba 2016; abgerufen am 11. Januar 2017. erscheint die Gemeinde Büchlberg unter dem Namen „Leoprechting“, das in dieser Gemeinde liegt. Im Landkreisbuch zum 100-jährigem Bestehens des Landkreises findet sich jedoch kein Hinweis auf eine Umbenennung der Gemeinde.

[1]

[2]