Kurt Sowinetz

Kurt Sowinetz (* 26. Februar 1928 in Wean; † 28. Jänner 1991 aa do) woaraa estareichischa Voiksschauspüla.

Leem

Da Kurt Sowinetz hod de meiste Zeit in Theatan in Wean goaweit. Nem dem hodara in a boa Füüm midgspüüt. Seit 1955 woara fix im Wiener Volkstheater aungaschieat. Gspüüt hoda owaraa im Theater in der Josefstadt, und ob 1976 isaraa a Ausaumblmitglied vom Burgtheater gwesn. 1982 haums eahm fia seine schauspülarischn Leistungan in Nestroy-Ring valiehn.

Außadem hodaraa gsungan und Plottn gmocht, bekaunnt isa wuan mid aana Version von da Eiropahymne mid an weanarischn Text (Alle Menschen san ma z'wider). Zsamman min Helmut Qualtinger und min Walter Kohut woara a eafoigreichs Kabaree-Trio, ea woa dabei zuaständig fian melancholischn Täu mid leisaran Untatön.

Sei Tochta, de Dunja, is emfois Schauspülarin wuan und is am Wiener Burgtheater augaschiat.

Sei Ehrn-Grob is am Döblinga Friedhof in Wean (Gruppn 7, Reihe 1, Nummero 3), und im Joah 2008 is in Fluridsduaf (des is da 21. Hieb) de Sowinetzgasse noch eahm benannt wuan.

Diskografie (CD/LP)

Alle Menschen san ma zwider (1972)
Hallelujah, der Huat brennt (1974)
Baron Karl
Bei die Schrammeln
Blues von den Tabus (1977)
Sowiesowinetz (1981)
Da Jesus und seine Hawara (Wiener Evangelium)
Es ist alles ned wahr (Kurt Sowinetz singt Couplets von Ferdinand Raimund und Johann Nestroy) (1979)
I und mei Team
Moritaten (mit Helmut Qualtinger)
Sodom und Andorra
Wiener Bezirksgericht 1 & 2

Füüm

1950: Das vierte Gebot
1951: Gangsterpremiere
1952: Abenteuer im Schloss
1963: Warten auf Godot
1965: Lumpazivagabundus
1965: Der Himbeerpflücker
1967: Kurzer Prozess
1971: Das falsche Gewicht
1971: Der Wald
1972: Die Abenteuer des braven Soldaten Schwejk
1976: Bomber & Paganini
1977: Die Standarte
1978: Lemminge
1978: Tatort – Mord im Krankenhaus
1981: Der Alte (TV-Serie, eine Folge)
1982: Der Narr von Wien
1986: Welcome in Vienna
1986: Rette mich, wer kann
1989: Derrick (TV-Serie, eine Folge)

Litaratua

Inge und Dunja Sowinetz: Man müsst mit an Vogerl Bruderschaft trinken, München 1991, ISBN 385002315X

Im Netz

Eindrog iwa Kurt Sowinetz in: Austria-Forum, dem östareichischen Wissnsnetz – online (auf AEIOU)
Kurt Sowinetz in der Internet Movie Database (englisch)
Literatur von und über Kurt Sowinetz im Katalog der Deutschen Nationalbibliothek
Frank Lester: "Mehr als ein Spassmacher" - in memoriam Kurt Sowinetz (Ö1-Radionachruf vom 29. Jänner 1991)