Îles Éparses

A Koatn vo de Îles Éparses

A Koatn vo de TAAF.

Dej Îles Éparses in n Indischn Ozean, amtle îles Éparses de l’océan Indien, weatle dej Zastraatn Insln von n Indischn Ozean, han a Zol vo kloina Insln rund um Madagaskar umma, wou ze Frankreich ghejan. Ma untascheidt generell fimf Haptinsln: dej Insln Europa, Bassas da India u Juan de Nova af da oin Seitn i da Strouss vo Mosambik ; u dej Insln Glorieuses u Tromelin af da ondan, resp. in n Noadn un Oustn vo Madagaskar.

Seid 2007 han dej Zastraatn Insln von n Indischn Ozean zamm mid de Insln vo Saint-Paul u Nei-Amsterdam, en Crozet-Archipel, dej Kerguelen un n Adélieland oana vo fimf Distriktt vo de Terres australes et antarctiques françaises (TAAF); sa hom zvur en Status «territoires résiduels de la République» ghobt. Af dej Insln, dej wou koa permanenta Bvelkaring ned hom, wechlst se s franzesischa Miletea en Dejnst olle 45 Taḡ, assa af Tromelin, wou s Personal vo da TAAF huckt.

Dej Insln wean zen Toal vo de Komorn, Madagaskar u Mauritius gfurdat. Dej malagassischn u maurizischn Landfurdarunga han dennat deitle nou dem, dass s d Unobhangekait daglengt hom.

Galeri

• 
  Nu a Koatn vo de Îles Éparses
• 
  A Biltl vo da Insl Eiropa.
• 
  A Schorp, Schelwa oda Schildkrot af da Eiropa-Insl.
• 
  A Satelitnbiltl vo da Eiropa-Insl.
• 
  A Lufdbiltl vo da Eiropa-Insl.
• 
  A Biltl vo Bassas da India.
• 
  A Strõnd af da Glorieuse-Insl.
• 
  A Satelitnbiltl vo da Insl Glorieuse.
• 
  A Biltl vo da Juan de Nova Insl.
• 
  A Lufdbiltl vo da Tromelin-Insl.