Hinava
 Hinava | |
| Tipé | Ajengan |
|---|---|
| Sajian | asiki |
| Mawit saking | Malaysia |
| Wawengkon utawi wewidangan | Sabah |
| Lakaran utama | ulam Tenggiri, lémo, Bambangan, tabia, bawang, tasik |
Hinava utawi Hinava Ginapan inggih punika silih tunggil ajengan tradisional krama Kadazan-Dusun ring Sabah. Manut krama Bajau saking pasih kangin Sabah, Hinava ketah kawastanin Kinilau. Ajengan puniki pateh sakadi Sushi saking Jepang. Hinava wantah ajengan arahina miwah dados ajengan wajib antuk rahina-rahina istimewa sakadi acara pawiwahan miwah Pesta Menuai. Hinava ketahnyané kaajeng sareng nasi sané kantun panes utawi sareng sambel lalah.[1]
Hinava malakar aji ulam segar sané kantun matah, sakéwanten karesikang antuk cuka utawi lémo miwah kacampur sareng basa lianan sakadi biji Bambangan sané makikih, tabia barak, halia, bawang miwah tasik. Ulam sané kaanggén inggih punika ulam Tenggiri miwah ulam Yu. Ulian ulam Yu wantah ulam sané pacang ical (punah), Hinava ketahnyané nganggén ulam Tenggiri. Tiosan punika, ulam dados kasilurang antuk udang miwah sotong.[2]
- ↑ "Makanan Tradisional di Sabah: Hinava". Makanan Tradisional di Sabah. Kaaksés 2024-07-28.
- ↑ Shah (2020-11-11). "Hinava : Salad Ikan Unik Turun-Temurun - KDMRS Muslim" (ring Inggris). Kaaksés 2024-07-28.