Комсомол ҡурсаулығы

Комсомольск дәүләт тәбиғәт ҡурсаулығы
Категория МСОП — Ia (Ҡәтғи тәбиғи резерват)
Төп мәғлүмәт
Майҙаны	64 413 га
Нигеҙләнгән ваҡыты	3 октябрь 1963 йыл
Урынлашыуы
50°48′36″ с. ш. 137°43′09″ в. д.
РФ субъекты	Хабаровск крайы
Комсомольск дәүләт тәбиғәт ҡурсаулығы

Комсомол ҡурсаулығы (рус. Комсомо́льский госуда́рственный приро́дный запове́дник) — Хабаровск крайының үҙәк өлөшөндәге ҡурсаулыҡ, 1963 йылдың 3 октябрендә ойошторола.

Һаҡланыусы тәбиғәт биләмәләре 64 мең гектар майҙанды биләй, шул иҫәптән һыу майҙаны — 4488 гектар, буфер зонаһы майҙаны — 9831 гектар.

Амур йылғаһының һул ҡушылдығы Горин йылғаһы тамағын биләй. Территорияның бер өлөшө Амур йылғаһы үҙәнендә. Ҡурсаулыҡтың иң юғары нөктәһе — Чоккети тауы (789 м).

Флора һәм фаунаһы

Ҡурсаулыҡ майҙанының 80 процентын урман биләй. Юғары үҫемлектәрҙең 680 төрө теркәлгән. Рәсәйҙең Ҡыҙыл китабына үҫемлектәрҙең һигеҙ төрө индерелгән.

45 төр һөтимәр, 233 төр ҡош, 50-гә яҡын балыҡ төрө иҫәпләнә, шуларҙың 23 төрө Амур йылғаһы бассейны өсөн эндемик булып тора.

Әҙәбиәт

• Грибы, лишайники, водоросли и мохообразные Комсомольского заповедника (Хабаровский край). — Владивосток, 1989.

Һылтанмалар

• Комсомольский заповедник на сайте «ООПТ России»
• Комсомольский государственный природный заповедник (инг.)