Tüntül

Tüntül
40°55′08″ şm. e. 47°52′16″ ş. u.
Ölkə	Azərbaycan
Tarixi və coğrafiyası
Mərkəzin hündürlüyü	595 m
Saat qurşağı	UTC 04:00
Tüntül

Tüntül — Azərbaycan Respublikasının Qəbələ rayonunun inzibati ərazi vahidində kənd.

Toponimikası

Oykonimin türk dillərindəki "ocaq, tüstü, ev" mənalı tüntü sözündən olması güman edilir.

Tarixi

Tarixi abidələri

Kənddə İkinci Dünya müharibəsi iştirakçılarının şərəfinə qəhrəman əsgər heykəli ucaldılmışdır.

Coğrafiyası və iqlimi

Kənd Dəmiraparançayın sahilində, Alazan-Əyriçay çökəkliyində, rayon mərkəzindən 10 km. aralıda yerləşir. Şimal tərəfdən Nohurqışlaq, cənub tərəfdən Yengicə kəndləri ilə əhatələnmişdir. Şərqindən Vəndamçay, qərbindən isə Dəmiraparançay axır.

Kənddə mülayim iqlim hakimdir.

Yaşı 300-ü keçmiş çinar ağacı ilə yanaşı adları Azərbaycanın "Qırmızı Kitabı"na düşmüş bir çox ağac və bitki növləri vardır.

Əhalisi

2009-cu ilin siyahıyaalınmasına əsasən kənddə 2618 nəfər əhali yaşayır.

Tanınmış şəxsləri

• Muxlis Əhməd oğlu Hacıyev — elmlər doktoru, professor.

Şəhidləri

• İntiqam Atakişiyev — Azərbaycanın Milli Qəhrəmanı.
• Maarif Dursun oğlu Nuruyev — "Azərbaycan Bayrağı" ordenli, ehtiyatda olan kapitan.
• Muşviq Dəmirxan oğlu Murtuzov
• Səxavət Baxışov — Vətən Müharibəsi Qəhrəmanı
• Atakişiyev Rüstəm- 2-ci Qarabağ müharibəsi şəhidi
• Kərimov İsmayıl-2-ci Qarabağ müharibəsi şəhidi
• Ağayev Tapdıq- 2-ci Qarabağ müharibəsi şəhidi

İqtisadiyyatı

Kənd əhalisinin əsas məşğuliyyətini meyvəçilik, taxılçılıq və heyvandarlıq təşkil edir.

Kənddə içməli su üçün iki artezian quyusu qazılıb.

Mədəniyyəti

Kənddə mədəniyyət evi və 256 nömrəlik elektron ATS mövcuddur.

Təhsil

Kənddə 1 uşaq bağçası və Muşviq Murtuzov adına 240 şagird yerlik orta məktəb fəaliyyət göstərir.

Din

Kənddə 1 məscid mövcuddur.