Qorxunc ölülər 2

Vikipediya, azad ensiklopediya
Naviqasiyaya keç Axtarışa keç
Qorxunc ölülər 2
ing. Evil Dead 2
Janr Qorxu filmi
Əsas mövzu fövqəltəbiilik[1]
Rejissor Sem Reymi
Prodüserlər Robert Teypert
Brüs Kempbell
Aleks De Benedetti
İrvin Şapro
Ssenari müəllifləri Sem Reymi
Skott Şpiqel
Baş rollarda Brüs Kempbell
Sara Berri
Operator Piter Diminq
Bəstəkar Cozef LoDuka
Rəssamlar Rendi Bennett
Filip Daffin
Elizabet Mur
Distribütor Netflix
İlk baxış tarixi ABŞ 13 mart 1987
Filmin növü Qara komediya
Müddət 84 dəqiqə
Büdcə $3,600,000
Gəlir $10,900,000
Ölkə ABŞ ABŞ
Dil İngilis dili
İl 1987
Əvvəlki film Qorxunc ölülər
Sonrakı film Qaranlığın ordusu
Rəng rəngli
Çəkiliş yeri Şimali Karolina[1], Detroyt[1]
IMDb ID0083907

Qorxunc ölülər 2 (ing. Evil Dead 2) – 1987-ci ildə çəkilən Qorxu filmi janrında çəkilən ABŞ filmidir. Filmin rejissoru və ssenaristi Sem Reymidir.

Məzmun

[redaktə | mənbəni redaktə et]
Xəbərdarlıq Xəbərdarlıq: Yazının davamı əsərin məzmunu haqqında məlumat ehtiva edir.

Filmin əvvəlində ilk filmin xülasəsi göstərilir. Bu xülasədə yalnız Eş Vilyams və sevgilisi Linda göstərilir. Onlar tətillərini meşədə tərk edilmiş bir daxmada keçirmək qərarına gəlirlər. Eş daxmada olduğu müddətdə burada daha əvvəl yaşayan arxeologiya professorunun yazdığı səsyazmasını dinləyir. Professor səs qeydində arxeoloji qazıntı zamanı tapdığı "Nekronomikon" (ing. Book of The Dead — Ölülərin Kitabı) adlı kitabdan bəhs edir. Kitabdakı sehrli sözlərin oxunması zamanı kabuslar sərbəst buraxılır. Kabusların təsirinə məruz qalan Linda iblisə çevrilir və Eş onu öldürməyə məcbur olur. Ardınca Eş Lindanı basdırır.

Xülasə sona yetən zaman filmin davamı başlayır. Eşi təqib edən kabuslar günəşin doğması ilə müvəqqəti olaraq yoxa çıxırlar. Eş meşədən çıxmaq üçün yol axtarmağa başlayır və daha əvvəl meşəyə əsas giriş olan körpünün yıxıldığını görür. Bu zaman günəş buludlar arasında yoxa çıxır və kabuslar yenidən peyda olurlar. Onlar Eşi təqib etməyə başlayırlar. Eş daxmaya qayıdan zaman burada da Lindanın məzardan çıxan cansız bədənini müşahidə edir. Bu vaxt sağ əli idarədən çıxdığı üçün Eş, onu mişar ilə kəsmək məcburiyyətində qalır.

Eş daxmada qorxunc ruhlarla mübarizə apararkən professorun qızı olan Enni arxeoloji qazıntıda "Nekronomikon" kitabının digər hissələrini tapmışdır. Dostu Ed və iki rəhbərlə birlikdə atasının daxmasına doğru yol çıxırlar. Bu müddətdə Eş artıq havalanmağa başlayır. Enni və digər heyət üzvləri daxmaya girən zaman yerdəki qanlı mişarı görüncə, Eşi professorun qatili zənn edərək, onu daxmanın altındakı zirzəmidə dustaq saxlayırlar. Bu zaman Eşə qorxunc ölü hücum edir. Ardınca onlar Eşə inanıb zirzəmidən çıxarırlar. Bir müddət sonra Ed, kabusların təzyiqinə məruz qalaraq iblisə çevrilir və sonda Eş tərəfindən öldürülür. Heyət üzvü olan Bobbi Coe buranı tərk edir və meşəyə üz tutur, lakin meşədə ağacların hücumuna uğrayır. Digər heyət üzvü Ceyk isə daxmaya geri dönməyən Bobbi Coeyi axtarmaq üçün Eş və Ennini silah gücü ilə çölə çıxarır. Bu zaman Eş kabusların təzyiqinə məruz qalaraq iblisə çevrilir Ceyki bir ağaca atır. Enni qaçaraq daxmaya geri dönür. Daxmada qapının sürətlə döyülməsini eşidən Enni qapını açaraq bıcağı Eşə vurmaq istəyir, lakin bu zaman bıcaq Ceykə dəyir. Enni onu xilas etməyə çalışsa da, gözlənilmədən zirzəmidən qorxunc ölü çıxır və Ceyki zirzəmiyə doğru apararaq öldürür. Eş isə Enni yerə tullayır və bu zaman sevgilisi Lindanın boyunbağısını görərək normal hala dönür.

Eş Enninin köməyi ilə motorlu mişarı xarici görünüşünü dəyişdirib qoluna taxır. Enni kabusları gəldikləri yerə göndərmək üçün "Nekronomikon" kitabının digər hissələrini oxumağa başlayır. Bu müddətdə Enni Eşin daha əvvəl kəsmək məcburiyyətində qaldığı sağ əli tərəfindən bıçaqlanır, amma Enni ölməmişdən əvvəl sehrli sözləri bitirərək hər şeyi içinə çəkən zaman girdabı meydana gətirir. Eş və avtomobili girdab tərəfindən udulur.

Eş zaman içində geriyə, 13-cü əsrə göndərilir. Burada bir qrup cəngavər tərəfindən götürülür və iblisə bənzəyən varlığın yaşadığı çuxura atılır. Eş onu tüfəngiylə öldürün zaman əhali tərəfindən ölkəni qurtarmağa gələn qəhrəman kimi qarşılanır. Bu səhnədə filmin ikinci seriyası bitir.

Xəbərdarlıq Xəbərdarlığın sonu.

Rollarda

[redaktə | mənbəni redaktə et]
Ad Rol Qeydlər
Brüs Kempbell Eşş Vilyams Baş qəhrəman
Sara Berri Enni Noubi Professor Noubinin qızı
Den Hiks Ceyk
Kessi DePayva Bobbi Coe titrdə Kessi Uesli kimi göstərilib
Riçard Domayer Ed Getli
Ted Reymi Henriettanın təsiri altındakı şəxs
Con Piks Professor Reymond Noubi
Lou Henkok Henrietta Noubi
Denis Biksler Linda
Coş Beker Feyk Şemp
Skott Şpigel Feyk Şemp
Toni Elvud Baqajdakı meymun titrdə göstərilməyib

Maraqlı faktlar

[redaktə | mənbəni redaktə et]
  • Filmin digər adı: Qorxunc ölülər 2: Sübhə qədər ölülər (ing. Evil Dead 2: Dead by Dawn).

Xarici keçidlər

[redaktə | mənbəni redaktə et]
  1. ↑ 1 2 3 Evil Dead II (ing.). 1987.
Mənbə — "https://az.wikipedia.org/w/index.php?title=Qorxunc_ölülər_2&oldid=7647350"