M46 Patton
| M46 Patton | |
|---|---|
 | |
| Tipi | Orta sinifli tank |
| Ölkə | |
| İstismar tarixçəsi | |
| İstismar illəri | 1950 |
| İstismara başlanması | 1950 |
| İstifadə edilən döyüşlər | Koreya müharibəsi |
| İstehsal tarixçəsi | |
| İstehsalçı | Detroit Arsenal Tank Müəssisəsi |
| İstehsal sayı | 800 360 M46A1 |
| Variantları | M46A1 |
| Xüsusiyyətləri | |
| Ağırlığı | 48.5 ton (boş halda 46 ton) |
| Zireh | 102 mm |
| Mühərrik | Continental AVDS-1790-5A V12 , hava soyutmalı Twin-turbo benzinli motor |
| Sürət | 48 km/saat (30 mph) |
| Güc nisbəti | 18.4 a.g./t |
| Mühərrik gücü | 810 at gücü (604 kW) |
| Əsas silah | 90 mm-lik M3A1 tank topu (70 mərmi) |
| Köməkçi silah | 1 ədəd 12.7 mm-lik M2 Browning ağır pulemyotu, 2 ədəd .30 cal (7,62 mm-lik) M1919A4 pulemyotu |
| Uzunluğu | 8.48 m |
| Eni | 3.51 m |
| Hündürlüyü | 3.18 m |
| Ekipaj | 5 (tank komandiri, nişançı, doldurucu, sürücü, köməkçi sürücü) |
 Vikianbarda əlaqəli mediafayllar | |
M46 Patton orta tankı ABŞ tərəfindən hazırlanmış Patton seriyasındakı tankların birinci nümayəndəsidir. Tank George S. Pattonun adını daşıyan ilk tank olaraq, həmçinin general adı daşıyan ilk tank da olmuşdur. George S. Patton, İkinci Dünya müharibəsi əsnasında xidmət edən üçüncü ordunun komandiri və tankların döyüşlərdə aktiv şəkildə istifadə edilməsinin müdafiəçisidir. M46 Patton, M26 Pershing tankının inkişaf etdirilmiş versiyası və ABŞ Silahlı Qüvvələrinin 1949 və 1950 modelləri ilə Soyuq müharibə dövründə istifadə etdiyi əsas döyüş tankı olmuşdur. 30 iyul 1948-ci ildə M46 tankının adı George S. Patton Jr. şərəfinə Patton olaraq təyin edilmişdir. Bu tank yalnız Soyuq müharibə dövründə müttəfiq bir qüvvə olan Belçikaya verilmiş və yeni hazırlanan M47 Patton tankı üçün təlim məqsədləri üçün az miqdarda ixrac edilmişdir. M46 tankı M26 Pershing və M4 Sherman tanklarını əvəz etmək üçün hazırlanmışdır. Sürətlər qutusu General Motors CD-850-3 və ya -4, 2 irəli, 1 geri, asqı sistemi burulma çubuğudur. Tankın yanacaq tutumu 878 litr (232 qalon), maksimum hərəkət mənzili isə 130 km (80 mph) olmuşdur.
Tarixi
[redaktə | mənbəni redaktə et]İkinci Dünya müharibəsindən sonra ABŞ ordularının əksəriyyəti M26 Pershing və M4 Sherman tanklarının qarışığı ilə təchiz edilmişdi. Əvvəlcə ağır bir tank olaraq hazırlanan M26 Pershing, müharibədən sonra orta tank olaraq təsnif edildi. M26 tankının atış gücü və zireh müdafiəsi M4 Sherman tankı üzərində əhəmiyyətli bir inkişafa səbəb olmuşdur. Bu hərəkət yenə eyni gücləndirilmiş M4A3 mühərriki ilə işlənildiyi üçün orta səviyyəli tank üçün yetərli deyildi. Aşağı gücü olan mühərrik də etibarsız bir sürətlər qutusu ilə də boğulmuşdur.
Tədqiqatlar 1948-ci ilin yanvar ayında Continental AV1790 -3 mühərriki və Allison CD-850-1 çarpaz ötürmə ilə başlandı. Dizayn əvvəlcə M26E2 adlandırıldı, ancaq inkişaflar toplandıqdan sonra Ordnance Bürosu, tankın unikal olaraq adlandırılmasına qərar verdi. 1949-cu ilin noyabrında təkrar istehsal başlayanda yalnız tankın adı dəyişməmişdi. Yeni bir gücləndirilmiş enerji təchizatı ilə birlikdə, eyni zamanda dəlikli drenajı olan əsas silah da əlavə edildi. Ümumilikdə 1160 ədəd M26 yenidən istehsal edildi: 800-ü standart M46, 360-ı isə M46A1 versiyasında.
Döyüş keçmişi
[redaktə | mənbəni redaktə et]ABŞ ordusu M46 tanklarından yalnız Koreya müharibəsində istifadə etdi. 8 avqust 1950-ci ildə 6-cı tank batalyonunun ilk M46 Patton tankları Cənubi Koreya bölgəsinə endi. M46 tankı Şimali Koreyanın T-34-85 tanklarından üstün olduğunu sübut etdi və nisbətən az qarşılaşma baş verdi. 1950-ci ilin sonunda 200 M46 Patton tankı Koreyadakı ABŞ tank gücünün 15% -ni əhatə etmişdi; 1950-ci ildə Koreyaya göndərilən 1326 tankdan 679-u M4A3 Sherman (M4A3E8 variantları daxil olmaqla), 309-u M26 Pershing və 138-i M24 Chaffee yüngül tankları idi. M46 və M46A1 Patton tanklarından sonra, 1951-ci ildə qalan M26 Pershing tankları və təchizatlı M4 Sherman tankları geriyə çəkilmiş və yenidən inkişaf etdirilmişdirlər.
1950-ci illərdə M46 Patton tankları, M47 tankının inkişafına hazırlıq məqsədilə Belçika, Fransa və İtaliyaya pulsuz icarəyə verildi. ABŞ təlim qrupları bu tankdan avropalıların tank heyətini yetişdirmək üçün istifadə etdilər.
Versiyaları
[redaktə | mənbəni redaktə et]- M26E2/M46 - Kontinental V-12 mühərriki və çarpaz ötürücü ilə təkmilləşdirilmiş M26A1 Pershing.
- M46A1 - Təkmilləşdirilmiş əyləc, soyutma və söndürmə sistemləri, eləcə də təkmilləşdirilmiş elektrik cihazları, AV-1790-5B mühərriki və CD-850-4 ötürücü sistemi ilə tankın təkmilləşdirilmiş versiyası.
- M46 - M3 dozer dəsti ilə təchiz edilmişdir.
Qaleriya
[redaktə | mənbəni redaktə et]
İstifadə etmiş ölkələr
[redaktə | mənbəni redaktə et]
.svg){kind=small}
