Kakopetriya
| Kakopetriya | |
|---|---|
| Κακοπετριά | |
 | |
| 34°59′19″ şm. e. 32°54′13″ ş. u.HGYO | |
| Ölkə | |
| Tarixi və coğrafiyası | |
| Sahəsi | |
| Mərkəzin hündürlüyü | 665 m[5] |
| Saat qurşağı | |
| Əhalisi | |
| Əhalisi | |
| Digər | |
| kakopetria.org.cy | |
|
| |
 Vikianbarda əlaqəli mediafayllar | |
Kakopetriya ― Kiprdə, paytaxt Nikosiyanın 55 kilometr (34 mil) cənub-qərbində, Troodos dağlarının şimal ətəklərində yerləşən qəsəbə.[8] Dəniz səviyyəsindən 667 metr yüksəklikdə yerləşən qəsəbə Solea vadisindəki ən yüksək yaşayış məntəqəsidir.[8] Kakopetriyanın 1 200 nəfər daimi sakini var. Bundan əlavə qəsəbədə yazlıq evi olan və ya əslən Kakopetriyadan olsa da Nikosiyada işləyən 100 nəfər daha yaşayır. Qəsəbənin yaxınlığında UNESCO-nun Ümumdünya irsi siyahısına daxil edilmiş, 11-ci əsrə aid Müqəddəs Nikolas kilsəsi yerləşir.
Adı
[redaktə | mənbəni redaktə et]Qəsəbənin adının mənşəyi ilə bağlı iki versiya mövcuddur.[8] İlk versiyaya görə Kakopetriya adı yunanca "kako" (pis) və "petra" (daş, qaya) sözlərindən yaranmışdır.[8] İkinci versiyaya görə isə bu ad "Petra tou Androgynou" (Cütlük Qayası) adlı böyük bir qayaya dair bir əfsanədən qaynaqlanır.[8]
Landşaft
[redaktə | mənbəni redaktə et]Kakopetriya qalın meşəlik ərazi ilə əhatə olunmuş və Karqotis və Qarillis çaylarının sahillərində yerləşir.[8] Bu iki çay qəsəbə daxilində birləşərək Klarios çayını əmələ gətirir. Köhnə Kakopetria vadinin qərbində və iki çay arasında yerləşir. Buradakı evlərin damları maili və kirəmitlidir və demək olar ki, hamısının üst mərtəbəsi və taxta balkonu var. Qradiyent zəmində və çay sahillərində inşa edilmiş geniş, kirəmit damlı müasir evləri olan yeni Kakopetria isə vadinin şərq hissəsində, çayların sahillərində inşa edilib.
Tarix
[redaktə | mənbəni redaktə et]Kakopetriya orta əsrlər tarixçiləri tərəfindən qeyd olunsada, ərazinin məskunlaşması ən gec Kipr krallığından bəri mövcuddur.[8] Qəsəbənin yerləşdiyi regionda isə təxminən 6-7-ci əsrlərdə məskunlaşılmışdır və 1938-ci ildə köhnə Kakopetriya kəndi ətrafında aparılan müxtəlif qazıntılar da bunu sübut edir.[8] Qazıntılar zamanı böyük ehtimalla ilahə Afinaya aid olan qədim bir ziyarətgahın qalıqları üzə çıxmışdır.[8] Tapıntılar çox güman ki, Kiprin arxaik və klassik dövrlərinə aiddir. Ərazidə tapılmış heykəlciklərin bəziləri Heraklı təmsil edir və bu ərazidə ilahə Afina ilə birlikdə ona da ibadət olunduğunun göstəricisidir. Bu tapıntılar hal-hazırda Nikosiya Arxeoloji Muzeyində sərgilənir.
Müqəddəs Nikolas kilsəsi
[redaktə | mənbəni redaktə et]Kakopetria yaxınlığında UNESCO-nun Ümumdünya irsi siyahısına daxil edilmiş Müqəddəs Nikolas kilsəsi yerləşir. Kilsə XI əsrdə Kiprdə qalan yegənə orta əsr Bizans kafolikonudur (monastır kilsəsi).
Qalereya
[redaktə | mənbəni redaktə et]
İstinadlar
[redaktə | mənbəni redaktə et]- ↑ 1 2 STATISTICAL CODES OF MUNICIPALITIES/COMMUNITIES AND QUARTERS OF CYPRUS, 2015 (ing.). CYSTAT.
- ↑ 1 2 ΣΤΑΤΙΣΤΙΚΟΙ ΚΩΔΙΚΟΙ ΔΗΜΩΝ/ΚΟΙΝΟΤΗΤΩΝ ΚΑΙ ΕΝΟΡΙΩΝ ΤΗΣ ΚΥΠΡΟΥ, 2015 (yun.). Στατιστική Υπηρεσία της Κυπριακής Δημοκρατίας.
- ↑ ΤΑΞΙΝΟΜΗΣΗ ΓΙΑ ΤΟΝ ΒΑΘΜΟ ΑΣΤΙΚΟΠΟΙΗΣΗΣ ΣΤΗΝ ΚΥΠΡΟ (yun.). Στατιστική Υπηρεσία της Κυπριακής Δημοκρατίας, 2016.
- ↑ CLASSIFICATION FOR THE DEGREE OF URBANISATION IN CYPRUS (ing.). CYSTAT, 2016.
- ↑ Κατάλογος κοινοτήτων επιλέξιμων μειονεκτικών περιοχών (yun.). Κυπριακός Οργανισμός Αγροτικών Πληρωμών. S. 2.
- ↑ Απογραφή πληθυσμού 2011 (yun.). 14 Στατιστική Υπηρεσία της Κυπριακής Δημοκρατίας, 2001.
- ↑ Census of population 2011 (ing.). 14 CYSTAT, 2001.
- ↑ 1 2 3 4 5 6 7 8 9 "Kakopetria". 2020-12-30 tarixində orijinalından arxivləşdirilib. İstifadə tarixi: 2021-04-14.