Auqust Sanq
Auqust Sanq | |
---|---|
Doğum tarixi | |
Doğum yeri | Pyarnu, Estoniya |
Vəfat tarixi | (55 yaşında) |
Vəfat yeri | Tallin, Estoniya |
Vətəndaşlığı |
![]() |
Təhsili | |
Fəaliyyəti | şair, tərcüməçi, yazıçı |
Fəaliyyət illəri | 1934-cü ildən |
Auqust Sanq (est. August Sang; 27 iyul 1914, Pyarnu — 14 oktyabr 1969, Tallin) — Estoniya şairi və ədəbi tərcüməçi.
Həyat və yaradıcılığı
[redaktə | mənbəni redaktə et]Auqust Sanq Pyarnuda poçt qulluqçusu ailəsində anadan olmuşdur. 1932-ci ildə Pyarnuda kişi gimnaziyasını bitirmişdir. Hərbi xidmətini bitirdikdən sonra Auqust bir il yarım telefon bağlantısı işçisi kimi çalışmışdır. 1934-cü ildən 1942-ci ilə qədər Tartu Universitetində fəlsəfə fakultəsində təhsil almışdır. Bir neçə dəfə bəzi səbəblərdən təhsilini yarımçıq qoymaq məcburiyyətində qalmışdır.[1]
Artıq Auqust Sanq səkkiz yaşı olarkən şeirlər yazmağa başlamışdır. İnyo təxəllüsü altında şeirlər yazan Auqust 1933-cü ildə Improvisatsioon poeması ilə Kevadik adlı gənclər jurnalının ədəbi müsabiqəsinin qalibi olmuşdur. 1934-cü ildə onun şeiri ilk dəfə Looming ədəbi jurnalında çap olunmuşdur. 1936-cı ildə onun poetik toplusu Üks noormees otsib õnne işıq üzü görmüş və ona məşhurluq qazandırmışdır. Bir müddət Auqust ədəbiyyat haqqında bir çox resenziya və məqalə yazmışdır. 1930-cu illərin sonlarında o, Arbuyad ədəbi dairəsinə qoşulmuşdur. 1939-cu ildə Sanq Müürid adlı ikinci toplusunu dərc etdirmişdir.
Estoniyanın SSRİ-yə birləşməsindən sonra Sanq 1945-ci ildən Estoniyan Sovet Yazıçıları İttifaqına daxil oldu. Lakin sonralar ondan uzaqlaşdı və 1950-ci ildə tamamilə ittifaqdan ayrıldı. Yalnız 1955-ci ildən sonra hakimiyyət ona yenidən yazıçı kimi fəaliyyət göstərməyə icazə verdi. Bir il sonra Auqust yenidən Yazıçılar İttifaqına daxil oldu.
Auqust Sanqın yazıçı fəaliyyətinin nəsrləri və şeir nümunələri rus, alman, fransız və çex dilinə tərcümə edilmişdir. Sanq Yohann Volfqanq Götenin, Peter Vaysın, Ernest Teodor Amadey Hofmanın, Maksim Qorkinin, Vladimir Mayakovskinin, Frans Kafkanın, Keller Qotfridin, Molyerin, Eqon Ervin Kişin və Lion Feyxtvangerin əsərlərini tərcümə etmişdir.
Şəxsi həyatı
[redaktə | mənbəni redaktə et]Auqust Sanq Estoniya yazıçısı Kersti Merilaas (1913 — 1986) ilə ailə həyatı qurmuşdur. Onların 1950-ci ildə Coel adlı oğulları dünyaya gəlmişdir.
Əsas əsərləri
[redaktə | mənbəni redaktə et]- Üks noormees otsib õnne (1936)
- Arbujad: valimik uusimat eesti lüürikat (toplu, 1938)
- Henrix Heyne (bioqrafiya, 1938)
- Müürid (1939)
- Võileib suudlusega (1963)
- Sada laulu (seçilmiş əsərləri, 1965)
- Luuletused (seçilmiş əsərləri, 1970)
- Väike luuleraamat (seçilmiş əsərləri, 1971)
- Laenatud laulud (iki cilddə tərcümələrin antologiyası, 1973/74)
- Laulud (seçilmiş əsərləri, 1977)
- Emajõe unisel veerel (ölümündən sonra antologiya, 2003)
İstinadlar
[redaktə | mənbəni redaktə et]- ↑ Cornelius Hasselblatt: Geschichte der estnischen Literatur.
Ədəbiyyat
[redaktə | mənbəni redaktə et]- Реммельгас Л. Писатели советской Эстонии : Краткий биографический справочник. — Таллин: Эстон. гос. изд-во, 1956. — 269 с.
- Cornelius Hasselblatt: Geschichte der estnischen Literatur. Berlin, New York 2006 (ISBN 3-11-018025-1), S. 513f.