Ağakərim

Kərim Novruzov
Ümumi məlumatlar
Ləqəbi	Ağakərim
Doğum tarixi	1 may 1964
Doğum yeri	Maştağa, Bakı, Azərbaycan SSR, SSRİ
Vətəndaşlığı	Azərbaycan
Milliyyəti	azərbaycanlı
Musiqiçi məlumatları
Fəaliyyəti	meyxanaçı
Fəaliyyət illəri	1983–2017
Janr	Meyxana

Ağakərim (tam adı: Kərim Novruzov; 1 may 1964, Maştağa, Bakı, Azərbaycan SSR) — Azərbaycan meyxanaçısı.

Həyatı

Erkən illəri

1964-cü ildə Bakının Maştağa kəndindən anadan olmuşdur. 1981-ci ildə 209 saylı orta məktəbi bitirmişdir. Təhsil illərində onda ədəbiyyata həvəsi bu fənnin müəllimi Seyidxanım Yəhyayeva oyatmışdır.

Yaradıcılığı

Meyxana marağı qonşusu Ağasəlim Çıldağın audio kasetlərindən sonra yaranıb. 1991-ci ildə Azərbaycan Respublikası üzrə keçirilən meyxana müsabiqəsinin qalibi, 1993-cü ildə isə Əliağa Vahidə həsr olunmuş Qəzəlxan festivalının ən yüksək mükafatı olan qızıl medalı alıb.

2001-ci ildə "Bu gedər, o biri gələr" adlı albomu işıq üzü görmüşdür.

Şəxsi həyatı

Bir müddət diabetdən əziyyət çəkən meyxanaçı, 2017-ci ilin mart ayında insult keçirib. 2021-ci ilin dekabr ayında 2-ci dəfə insult keçirib.

Musiqi repertuarı

• "Amandı"
• "Azərbaycanlılar"
• "Bu gedər, o biri gələr"
• "Divanə kimi"
• "Gecə xəlvətcə bizə sevgili yar gəlmiş idi"
• "Günahkar mavi Xəzərdir" feat. Mətanət Əbdülova
• "Kasıb"
• "Qonşunun gəlini"
• "Maştağa"
• "Nizami"
• "Pul"
• "Rədd elə getsin"
• "Varmı görəsən?"
• "Vurulmuşam"