Şikar Aslanov

Şikar Aslanov
Şikar Davud oğlu Aslanov
Şəxsi məlumatlar
Doğum tarixi	10 iyul 1970(1970-07-10)
Doğum yeri	Cəbrayıl rayonu, Azərbaycan SSR, SSRİ
Vəfat tarixi	2 iyul 1992(1992-07-02) (22 yaşında)
Vəfat yeri	Xocavənd rayonu, Azərbaycan
Vəfat səbəbi	şəhid olub
Vətəndaşlığı	SSRİ→ Azərbaycan
Hərbi fəaliyyəti
Qoşun növü	Azərbaycan Respublikasının Daxili Qoşunları
Rütbəsi	əsgər
Döyüşlər	Birinci Qarabağ müharibəsi
Təltifləri

Aslanov Şikar Davud oğlu (10 iyul 1970, Cəbrayıl rayonu – 2 iyul 1992, Xocavənd rayonu) — Azərbaycanın Milli Qəhrəmanı; Qarabağ müharibəsi şəhidi.

Həyatı

Şikar Aslanov 1970-ci il iyun ayının 10-da Cəbrayıl rayonunun Süleymanlı kəndində doğulmuşdur. İlk təhsilini burada alan Şikar 1987-ci ildə məktəbi bitirir.

1988-ci ildə sovet ordusuna hərbi xidmətə çağırılır. 1990-cı ildə doğma vətənə dönərək DİN-in post patrul xidmətinə qəbul olunur. Erməni işğalçılarının vətənə basqını zamanı Şikar silaha sarılaraq cəbhəyə yollanır.

1992-ci ildə Xocavənd rayonunda gedən döyüşlərdə düşmənin atəş nöqtələrini peşəkarcasına susdurur.

1992-ci il iyul ayının 2-si əməliyyat zamanı Şikar snayper gülləsinə tuş gəlir, cəsur döyüşçünü hospitala çatdırsalar da onun həyatını xilas etmək mümkün olmur, vətənimizin igid oğlu əbədi olaraq gözlərini yumur.

Subay idi.

Doğulduğu Süleymanlı kəndində dəfn edilmişdir.

Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə Aslanov Şikar Davud oğlu ölümündən sonra "Azərbaycanın Milli Qəhrəmanı" adına layiq görülmüşdür.

Həmçinin bax

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 39.

Xarici keçidlər

• "Qarabağın görkəmli şəxsiyyətləri:Şikar Aslanov(1970-1992)". "Virtual Qarabağ" İKT Mərkəzinin rəsmi portalı (az.). virtualkarabakh.az. 2013. 2017-12-22 tarixində orijinalından arxivləşdirilib. İstifadə tarixi: 2014-10-14.