Izva ke dielkwikya (suterot)

Izva ke dielkwikya Izva ke dielkwikya tir berpotam ke Guy de Maupassant sanegayan bak 1891 koe La Maison Tellier larma. Vildeks Rose tir yikya kobasa dene diel ke Vallin Pilkotik. Belkesis saz ke imwugal jupar da ine moe baplaki tildewer. Va Jacques dielkwikye kakever aze skedegar. Voxe fure zo nazbesir. Jacques abdiplekur da fu kurer voxen viele ine kadimion kimbar, pune in yater. Rose va pintikye radekar aze pu vegungik ke intafa gadikya nafer. Banvielu olgon kobar enide va volkaluca is nazbeye di vulkur ise va debala pu Vallin Pilkotik palser. Bantel va ine gu kurera kovebar lodame va kuba tugijar. Beka Rose tir kinokafe gu stivara va ageltafa debala, pune malnaler. Tanda tiskiwid, aulon, voxen pilkotik va dikira va nazbeik karaker. Sin va jontika pirdara isu nuva jupekatason malterektad voxen mecoba guyunder. Lansielon gabentuca ke Vallin pilkotik kadar zidera numen in vanyer tizaf : Rose welidar da va tevdafe nazbeye dikir. Vallin Pilkotik va bat warzot ton kiazara emuder nume va bat rumeik fu tubronazbear larde me rodedikid. Dere rupel Guy de Maupassant : Francavaf francaf suterotik ( 1850-1893 ) (fr) Histoire d'une fille de ferme, dene Wikisource ( xantokrent ) Izva ke dielkwikya ( Histoire d'une fille de ferme ), kalkot- 2013 gan Élisabeth Rovall, banliz

Izva ke dielkwikya XANTO Vergumvelt Histoire d’une fille de ferme Sutesik Guy de Maupassant Ava Francava Suterotinda Berpotam Evla 1881 betara teza   Tuveli icde Suteroteem  Moek ke La Maison Tellier larma, 1891