Xune Elipe

Xune Elipe
Vida
Nacimientu	Villalegre, 1962 (61/62 años)
Nacionalidá	España
Estudios
Llingües falaes	asturianu
Oficiu	cantante, escritor
Premios	ver Premiu Fuertes Acevedo (2020) ;
Miembru de	Dixebra
Instrumentu musical	voz

Xulio Andrés Elipe Raposo (1962, Villalegre), más conocíu como Xune Elipe, ye un cantante y productor discográficu asturianu dende va más de venti años, del grupu Dixebra.

Dende bien mozu yá desendolcó los sos esmolecimientos pa cola llingua asturiana, con 15 años yera miembru de Conceyu Bable, más sero foi ún de los qu'entamó l'Asociación Cultural Arfueyu, depués collaboró como periodista en llingua asturiana en dellos medios de comunicación como Cadena SER, Radio Popular de Avilés (con programes como, Albintestate o la organización del I, II y III Día de la radio n'Asturianu o La Voz de Avilés, ú dirixó la seición La Fueya'l Carbayu, tamién perteneció al Coleutivu L'Esperteyu con quien asoleyó doce númberos d'un fancín n'asturianu con cierta periocidá; pese a nun poder cursar la carrera universitaria de periodismu por imposibilidá de colar d'Asturies. Nel so llugar, fizo estudios d'Historia na Universidá d'Uviéu, anque envede finalos acabó faciendo Graduáu Social, amás d'impartir clases de llingua asturiana.

También foi miembru d'organizaciones nacionalistes como Ensame Nacionalista Astur y Andecha Astur, acabando por presentase como candidatu independiente a l'alcaldía d'Avilés.

En 1987 forma na so ciudá de nacencia'l grupu de rock Dixebra, en cuya formación permanez hasta anguaño editando ocho discos.

En 1992 funda'l sellu discográficu Discos L'Aguañaz xunto al so compañeru en Dixebra, el gaiteru Fernando Rubio.

Asoleya en 1996 el llibru Llingua y rock, un estudiu sobre la música rock con lletres n'asturianu al traviés de los años. Esti mesmu añu collabora na emisora uvieína Radio Sele con programes comu Al Debalu o Rockromería.

Anguaño, compaxina la so actividá en Dixebra y L'Aguañaz col so llabor profesional como Graduáu Social.

En 2020 ganó'l Premiu Máximo Fuertes Acevedo d'ensayu en llingua asturiana cola obra Hai una llinia trazada. Historia de la música asturiana^[3].

Referencies

↑ «rexistru d'autoridaes BNE». Consultáu'l 28 mayu 2020.
↑ URL de la referencia: http://www.formientu.com/noticies/xune-elipe-ganal-premiu-densayu-maximo-fuertes-acevedo-del-gobiernu-dasturies/. Data de consulta: 18 xineru 2021.
↑ «Xune Elipe gana'l Premiu d'Ensayu Máximo Fuertes Acevedo del Gobiernu d'Asturies». Consultáu'l 18 de xineru de 2021.

Enllaces esternos

Páxina de Dixebra Archiváu 2007-01-29 en Wayback Machine

[279a05c8688a639b9f812eda8e721a9dcab8f439-1] «rexistru d'autoridaes BNE». Consultáu'l 28 mayu 2020.

[3ffcb02a6179e6d83b8aa4f9d4c34d4468dbac4a-2] URL de la referencia: http://www.formientu.com/noticies/xune-elipe-ganal-premiu-densayu-maximo-fuertes-acevedo-del-gobiernu-dasturies/. Data de consulta: 18 xineru 2021.

[3] «Xune Elipe gana'l Premiu d'Ensayu Máximo Fuertes Acevedo del Gobiernu d'Asturies». Consultáu'l 18 de xineru de 2021.

[1]

[2]

[3]