Wikipedia:Bots

Un bot ye un programa diseñáu pa interactuar con otros programes, servicios d'Internet o operadores humanos del mesmu xeitu que si fuera una persona. Na Wikipedia los bots puen simplificar o automatizar dafechu la realización de llabores bien abegosos pa operadores humanos, como verificar que los enllaces esternos d'un artículu sigan esistiendo, añader automáticamente enllaces ente les Wikipedies en distintes llingües, mover artículos ente categoríes o coses asemeyaes. De mano, si'l llabor pue espresase por un algoritmu, el bot pue faela por sigo mesmu; otros llabores, como correxir los enllaces qu'apunten a una páxina de dixebra pa qu'empobinen a la páxina correuta, requieren de la supervisión d'un operador humanu, pero de toes toes fáense muncho más rápido per aciu d'un bot.

El proyeutu pywikipedia desenrolló una llibrería de recursos en Python qu'implementa les funciones afayadices pa interactuar col software de MediaWiki; el software inclúi varios bots, capaces de realizar bien de llabores. Si bien s'usen dacuando otros bots especializaos, los más de los bots activos na Wikipedia n'asturianu utilicen esti software.

Les funciones implementaes nel paquete de pywikipedia inclúin:

un bot pa trabayar con categoríes (category.py), que pue:
- añader una llista de páxines a una categoría;
- quitar una llista de páxines d'una categoría;
- mover una llista de páxines d'una categoría a otra;
un bot pa comprobar que los enllaces esternos d'un grupu de páxines (o toa una Wikipedia) siguen esistiendo (check_extern.py); si bien el bot nun elimina los enllaces rotos, produz un informe detalláu de tolos enllaces que necesiten revisión;
un bot p'añader y correxir enllaces interwiki (interwiki.py), tanto:
- autónomamente, siguiendo los enllaces interwiki que yá esisten y añadiendo a la páxina orixinal los enllaces presentes nuna páxina enllazada que falten na versión n'asturianu;
- con ayuda humana, pidiendo suxerencies de cómo podría nomase la páxina en cuestión n'otru(os) idioma(es) y añadiendo d'esta miente interwikis a les páxines qu'anguaño nun tienen nengún;
un bot pa correxir redireiciones (redirect.py), que pue:
- correxir automáticamente los dobles redireicionamientos, según el llistáu que xenera Especial:DoubleRedirects;
- borrar los redireicionamientos qu'apunten a una páxina non esistente (solo si l'usuariu que cuerre'l bot tien permisos d'alministrador);
un bot pa sustituyir cadenes de testu acordies con una espresión regular (replace.py), útil pa correxir errores d'ortografía o implementar cambeos na sintaxis de la Wiki;
un bot pa correxir los enllaces a páxines de dixebra (solve_disambiguation.py), que requier intervención humana pa elixir l'enllaz correutu;
un bot pa convertir a la sintaxis de MediaWiki toles table en formatu HTML (table2wiki.py);
un bot para xubir imáxenes en masa a una Wikipedia (upload.py), obsoletu gracies al usu de Commons.

Si tienes nel maxín un llabor que se puea realizar per aciu d'este funciones, pues dexar el to pidíu en Wikipedia:Bots/Solicitúes; el primer operador de bot que disponga de tiempu pa realizala, encargaráse d'ello.

Bots activos

Pa saber qué bots tán trabayando anguaño na Wikipedia, empobina a la categoría Bots.

Solicita'l permisu n'autorizaciones. Depués un burócrata ocuparáse d'activalu.

Ver tamién