Vicente Ferrer (santu)

Vicente Ferrer
Vida
Nacimientu	Valencia, 23 de xineru de 1350
Nacionalidá	Reinu de Valencia
Muerte	Vannes, 5 d'abril de 1419 (69 años)
Familia
Hermanos/es	Bonifacio Ferrer (es)
Familia	ver Vicent Ferrer (tío (es) );
Estudios
Llingües falaes	Catalán medieval; llatín medieval; castellanu
Profesor de	Antoni Canals
Oficiu	sacerdote católicu, escritor, misioneru, flaire
	Participante Compromiso de Caspe (es) ;
Miembru de	brazu eclesiásticu del reinu de Valencia
Santoral
	5 d'abril
Creencies
Relixón	Ilesia Católica
Orde relixosa	Orde de Predicadores

Pa ver otros usos d'esti términu, Vicente Ferrer.

Vicente Ferrer (23 de xineru de 1350, Valencia – 5 d'abril de 1419, Vannes) dominicu valencianu, taumaturgu, predicador, llóxicu y filósofu.

Ye'l santu patrón d'anguaño de la Comunidá Valenciana; na so conmemoración llevántense nes cais de Valencia escenarios llamaos "altares", onde represéntense por neños escenes de la so vida y milagros.

Conocíu con ciñu como "Sant Vicent el del ditet", por mor de que, según lleendes populares, fizo dellos milagros alzando'l deu índiz, representándose asina na iconografía; tamién represéntaselu davezu poles "ales", por tar consideráu como l'"ánxel del Apocalipsis", pos consideróse a sigo mesmu un "legatus a latere Christi" y dio anuncia en munches ocasiones de la llegada l'anticristu y la fin del mundiu, como por exemplu en munchos sermones na ciudá de Toledo nel añu 1411.

Otra miente, les sos predicaciones per estremaes ciudaes d'Europa, sobre manera n'Italia, foron constantes por mor de la perfamosa visión que tuvo na ciudá d'Avignon nel añu 1398. Siguíenlu multitúes que lu acompañaben nos sos trayeutos, qu'incluyíen un séquitu de flaxelantes que se daben col llátigu en pagu polos sos pecaos. Viaxaba davezu enriba d'un burru y agospiábase nos conventos de flaires dominicos de les ciudaes y pueblos pelos que pasaba predicando.

Foi perimportante y decisiva la so participación nel Compromisu de Caspe, aú escoyéronlu Rei d'Aragón Fernando d'Antequera, de la dinastía Trastamara.

Biografía

Vicente Ferrer ñaz en Valencia el 23 de xineru de 1350. Yeren los sos pás Guillermo Ferrer, y Constancia Miguel. Tuvieron trés fíes y trés fíos.

Estudió en Barcelona y Toulouse. Flaire, pertenecía a la Orde de los Predicadores. Na dómina, arriendes la so dedicación eclesiástica foi un gran estadista y políticu, lluchó con esfuerciu escontra la dixebra de la Ilesia na Cisma d'Occidente, y yera tamién un personax perinfluyente na so dómina. Morrió en Vannes en 1419. Canonizólu Calistu III el 3 de Xunu de 1455. Celébrase la so fiesta'l 5 d'abril. Como santo atribúyense-y dellos milagros.

Casa de San Vicente Ferrer, Valencia (Ciudá)

Anguaño ye'l patrón de la Comunidá Valenciana

Ver tamién

Referencies

↑ ^1,0 ^1,1 Afirmao en: BeWeb. Identificador BeWeb de persona: 2303. Data de consulta: 14 febreru 2021.
↑ Identificador CONOR.SI: 183070051. Afirmao en: CONOR.SI.

Enllaces esternos

«Vicente Ferrer». en Find a Grave. (n'inglés)
Philosophica: Enciclopedia filosófica online. Voz Vicente Ferrer, San (en castellanu)

[f8e2a6ef813e51bf066b8f709b56485723614fd3-1] 1,0 ^1,1 Afirmao en: BeWeb. Identificador BeWeb de persona: 2303. Data de consulta: 14 febreru 2021.

[c8b0bd8106fcbbe123d6291c43ee975f2a6e1e34-2] Identificador CONOR.SI: 183070051. Afirmao en: CONOR.SI.

[1]

[2]