Segundo Blanco

Segundo Blanco
ministro de Instrucción Pública y Sanidad (es)
secretariu xeneral de la Confederación Nacional del Trabayu
Vida
Nacimientu	Xixón, 1899
Nacionalidá	España
Muerte	Ciudá de Méxicu, 29 de xineru de 1957 (57/58 años)
Estudios
Llingües falaes	castellanu
Oficiu	sindicalista, políticu, albañil
Miembru de	Confederación Nacional del Trabayu

Segundo Blanco González (1899, Xixón – 29 de xineru de 1957, Ciudá de Méxicu) foi un anarquista asturianu.

Albañil de profesión, encargóse mientres la dictadura de Primo de Rivera de caltener la estructura de la CNT n'Asturies y llegó a ocupar el cargu de Secretariu Xeneral de la organización anarcosindicalista en 1926. Esi mesmu añu metiéronlu presu, lo mesmo qu'en 1931 y 1934.

Al entamu de la Guerra Civil Española presidió'l Comité de Guerra de Xixón y ocupará posteriormente la Conseyería d'Industria nel Conseyu Interprovincial d'Asturies y Lleón formáu en xineru de 1937, y formó parte de la Comisión de Guerra una vegada qu'ésti se tresformó nel Conseyu Soberanu d'Asturies y Lleón.

Tres la ocupación d'Asturies, fuxó a Francia y pasó a Cataluña. Foi Secretariu de Defensa nel Comité Nacional de la CNT y n'abril de 1938 formó parte del gobiernu de Juan Negrín ocupando la cartera de Instrucción y Sanidá Pública. Tres la guerra exilióse na ciudá francesa d'Orléans pa llueu marchar a Méxicu onde morrió en 1957.

Referencies

↑ Afirmao en: Diccionario biográfico español. Identificador DBE: 25096/segundo-blanco-gonzalez. Apaez como: Segundo Blanco González. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
↑ Identificador BNE: XX5068304. Apaez como: Segundo Blanco González. Data de consulta: 9 ochobre 2017.
↑ Afirmao en: Paiporta, un refugi segur, 1936-1939. Páxina: 77. Editorial: Ayuntamiento de Paiporta. Llingua de la obra o nome: catalán. Data d'espublización: 2021. Autor: Cristina Escrivá Moscardó.

Enllaces esternos

Fonte consultada pa facer esti artículu Archiváu 2023-02-10 en Wayback Machine

Predecesor: Avelino González Mallada	Secretariu Xeneral de la CNT 1926	Socesor: Juan Peiró
Predecesor: Jesús Hernández Tomás	Ministru d'Instrucción Pública y Sanidá 1938 - 1939	Socesor: '

[bdf5f4a1e76793798b887dbaa5938624652c3f8d-1] Afirmao en: Diccionario biográfico español. Identificador DBE: 25096/segundo-blanco-gonzalez. Apaez como: Segundo Blanco González. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.

[bc7de6d37f91a36d2c5b43863d00842544f80d55-2] Identificador BNE: XX5068304. Apaez como: Segundo Blanco González. Data de consulta: 9 ochobre 2017.

[074a3fbb976556fe988f3188be6ec74a83fc6ffd-3] Afirmao en: Paiporta, un refugi segur, 1936-1939. Páxina: 77. Editorial: Ayuntamiento de Paiporta. Llingua de la obra o nome: catalán. Data d'espublización: 2021. Autor: Cristina Escrivá Moscardó.

[1]

[2]