Revisionismu históricu

Revisionismu históricu
conceutu
revisionismo (es)

El revisionismu históricu ye l'estudiu y reinterpretación de la historia. El términu tien un usu académicu afayadizu y otro peyorativu. L'usu académicu fai referencia a la reinterpretación de fechos históricos dende datos nuevos, o análisis nuevos más precisos y menos sesgaos de datos yá conocíos. El so usu peyorativu tien que ver cola manipulación de la Historia con oxetivos políticos, refugando del métodu científicu y la revisión por pares, y, poro, n'esti casu fálase d'una práutica pseudocientífica.

El revisionismu presupón qu'ente los historiadores, o el públicu xeneral, existe una forma xeneralmente afitada d'entender un acontecimientu o un procesu históricu y que hai razones pa ponela en dubia. Eses razones pueden ser de distinta mena: apurriendo documentos nuevos, el cambéu de paradigma historiográficu; o tamién el cambéu de los valores dende los que s'acolumbra'l pasáu. Nos casos de revisionismu non académicu o pseudocientíficu ye vezu asocialu a un usu políticu de la historia y de nun respetar la neutralidá y el espíritu críticu na rellación coles fontes consideraes básiques nel trabayu del historiador.

Enllaces esternos

• Wikimedia Commons tien conteníu multimedia tocante a Revisionismu históricu.

• Datos: Q874803