Rede de difraición

En óptica, una rede de difraición ye un componente ópticu con un patrón regular, qu'estrema (difracta) la lluz en dellos fexes de lluz que viaxen en distintes direiciones. Les direiciones d'esos fexes de lluz dependen del espaciado de la rede y de la llonxitú d'onda de la lluz incidente, de cuenta que la rede actúa como un elementu dispersivo. Gracies a esto, les redes utilícense davezu en monocromadores y espectrómetros.

Tipu Echelle

Espectrómetru Echelle: La primer rede de difraición ta optimizada pa los órdenes de difraición baxos, ente que los órdenes cimeros ameyoren la so intensidá de salida cola rede Echelle. Dambos elementos difractivos tán montaos ortogonalmente de cuenta que los órdenes con mayor intensidá sían separaos transversalmente. Por cuenta de que namái delles partes del espectru de cada orde coinciden espacialmente, namái se van presentar delles partes de solapamiento espectral (como la llinia verde na rexón colorada).

La rede de difraición Echelle (del francés, échelle, escalera) ye un tipu de rede de difraición que se caracteriza por presentar una densidá de llinies relativamente baxa pero presenta mayor númberu d'órdenes de difraición. Por cuenta de esto, llógrase una mayor eficiencia y menores efeutos de polarización en rangos de llonxitúes d'onda mayores. Les redes Echelle son usaes n'espectrómetros y preseos similares como'l HARPS y numberosos preseos astronómicos.

Principiu de funcionamientu

Al igual qu'otres redes de difraición, la rede Echelle ta formada por una serie de ranuras (pasos) con anchos cercanos a la llonxitú d'onda de la lluz a difractar. Esta estructura dexa que la lluz del llonxitú d'onda acomuñada a cada ranura sía difractada escontra la posición correspondiente al orde cero cuando la so incidencia sía normal al planu de difraición; ente que los órdenes mayores van ser refractados con ángulos específicos definíos pola densidá de la rede pa cada orde escoyíu. La separación angular ente distintos órdenes escai monótonamente conforme aumenta'l númberu d'orde, polo que pa órdenes cimeros la separación ente los mesmos tiende a sumir, ente que los órdenes menores suelen quedar correutamente separaos.

Exemplos

Un CD-ROM ye una rede de difraición: Un CD-ROM crea un patrón de difraición por reflexón. Pola so construcción tien semeyances coles redes de difraición. Na semeya pueden apreciase los dos primeros órdenes de difraición.

Un exemplu de rede de difraición que ta al algame de cualesquier ye un CD-ROM. Puede usase pa demostrar l'efeutu de la difraición faciendo incidir sobre él lluz solar y recoyendo esta nuna paré.

Referencies

• Datos: Q653294
• Multimedia: Diffraction gratings