Pesu

Pesu
	fuercia

Pa ver otros usos d'esti términu, Pesu (dixebra).

Na física, el pesu ye la midida de la fuercia qu'exerce la gravedá sobro un cuerpu. Nel usu cotidianu de la pallabra, el términu "pesu" úsase davezu como sinónimu de masa.

Dao que la intensidá de la gravedá cimbla según seya la posición —nos Polos ye igual a 9,83 m/s², na llinia ecuatorial ye igual a 9,79 m/s² y na llatitú de 45° ye igual a 9.8 m/s²— el pesu depende del allugamientu. Si nun se diz lo contrario, atalántase que se trata del pesu prevocáu por una intensidá de la gravedá definía como normal, y de valor 9,81 m/s².

ver: Intensidá de la gravedá

El pesu mídese con un dinamómetru y la so unidá nel sistema internacional ye'l newton (N). El dinamómetru tá ensamáu por un resorte con un cabu llibre y caltién una escala graduada n'unidaes de pesu. Pa saber el pesu d'un oxetu namái hai de colingalu del cabu llibre del resorte, que s'empertegará; metantu más s'allongue, más pesáu ye l'oxetu.

ver: Dinamómetru

Diferencia ente pesu y masa

A desemeyanza de la masa, el pesu depende de l'allugamientu relativu del oxetu o de la so distancia a la Tierra, y de l'aceleración cola que se mueve. Tamién depende del planeta o otru cuerpu masivu qu'autúe sobro l'oxetu. Nel ámbitu de la Tierra, y metantu nun heba daqué que lo torgue, tolos oxetos caen animaos d'una aceleración de la gravedá, g, polo que tán sometíos a una fuercia constante, que ye'l pesu.

Los oxetos diferentes son atrayíos por fuercies gravitatories de magnitú distinta. La fuercia gravitatoria qu'actúa sobro un oxetu de masa m pue espresase matemáticamente pola espresión:

$P=m\cdot g$

onde:

P = pesu
m = masa
g = aceleración de la gravedá (aproximao 9,8 metros per segundu)

Nun hai de trafulcar el pesu cola masa, darréu que según la ecuación espresao na estaya superior, la masa ye igual:

m={\frac {P}{g}}