Partíu Socialista de Francia
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Partíu Socialista de Francia | |
|---|---|
| Parti Socialiste de France | |
| Fundación | 1902 |
| Disolución | [[1905]] |
| Sede | París |
| Estáu |
.svg){kind=small} Francia |
| Ideoloxía política | Socialismu, marxismu |
| Posición nel espectru | estrema izquierda |
 | |
El Partíu Socialista de Francia (PSdF) (en francés:Parti socialiste de France) foi un partíu socialista francés activu ente 1902 y 1905.
Orixinalmente, el PSdF foi denomináu Unidá Socialista Revolucionaria (en francés:Unité socialiste révolutionnaire), organización surdida del alcuerdu ente guesdistas, blanquistas y la Alianza Comunista Revolucionaria ente xunu y payares de 1901.
Foi fundáu en 1902 cola denominación de PSdF nel Congresu de Commentry, de resultes de la fusión ente'l Partíu Obreru Francés (POF) marxista de Jules Guesde y el Partíu Socialista Revolucionariu (PSR) blanquista, lideráu por Édouard Vaillant. Nes eleiciones llexislatives d'esi mesmu añu, el PSdF llogra 14 diputaos.
El PSdF constitúi una etapa nel procesu d'unificación de los socialistes franceses, que va rematar en 1905 cola constitución de la Seición Francesa de la Internacional Obrera (Section française de la International ouvrière, SFIO) pola fusión del propiu PSdF y el Partíu Socialista Francés de Jean Jaurès.
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Partíu Socialista de Francia.
