Nadine Conner

Nadine Conner
Vida
Nacimientu	Compton (es) , 20 de febreru de 1907
Nacionalidá	Estaos Xuníos
Muerte	Los Alamitos (es) , 1 de marzu de 2003 (96 años)
Estudios
Estudios	Universidá del Sur de California ; Escuela de Música Thornton (es) ; Compton High School (es)
Oficiu	cantante d'ópera, llocutora radiofónica
Mena de voz	sopranu
Instrumentu musical	voz
Creencies
Partíu políticu	Partíu Republicanu de los Estaos Xuníos
IMDb	nm0175171

Nadine Conner (20 de febreru de 1907, Compton ^(es) – 1 de marzu de 2003, Los Alamitos ^(es) ) foi una cantante y actriz d'Estaos Xuníos.

Biografía

Nacida en Compton (California), el so verdaderu nome yera Evelyn Nadine Henderson, y yera descendiente d'unu de los primeros colonos californianos d'orixe non-hispánicu.

Siendo adolescente diagnosticáron-y una enfermedá pulmonar, motivu pol cual el so médicu suxirió-y qu'estudiara cantar clásico pa reforzar los sos pulmones, daqué habitual na dómina. Siguiendo eses instrucciones, nel so periodu de high school empezó a estudiar baxu tutelar del tenor Amado Fernandez. El so potencial salió a la lluz y de siguío foi a estudiar con Horatio Cogswell, y más palantre con Florence Easton en Nueva York.

El so nome artísticu vien de el so primer home, de quien se divorció a los dos años de matrimoniu. Darréu casóse col Dr. Laurance Heacock. Ella actuó nel programa radiofónicu The Voice of Firestone, con estrelles de la talla de Bing Crosby y Nelson Eddy, y amás fixo una xira musical con Gordon MacRae.

A finales de 1939 empecipió la so carrera na ópera clásica. Debutó profesionalmente en 1940 como Margarita nuna representación en Los Angeles de la obra de Charles Gounod Fausto. Cantó cola Ópera de Los Angeles ente 1939 y 1941. En 1941 empezó la so carrera na Ópera del Metropolitan, debutando como Pamina en La flauta máxica (cantada n'inglés).

Tamién tuvo numberoses actuaciones en teatros europeos a partir de 1953, y asina mesmu cantó con un ampliu repertoriu de conciertos. Fixo una notable grabación de la obra de Brahms Un Réquiem alemán, so la direición de Bruno Walter.

Aportó a una aplaudida intérprete, destacando non solamente con Mozart, sinón con papeles como'l de Mimi en La Bohème, y una vibrante Violetta en La Traviata. Tuvo cómoda tantu en papeles llíricos como nes coloratures. En total cantó 249 vegaes nel Metropolitan, retirándose en 1960. Grabó con CBS, Cetra, Melodram, Discocorp, y Camden.

Finó en Los Alamitos, California, en 2003 por causes naturales.

Referencies

↑ ^1,0 ^1,1 Afirmao en: Internet Movie Database. Identificador IMDb: nm0175171. Data de consulta: 9 xunetu 2016. Llingua de la obra o nome: inglés.

Enllaces esternos

Nadine Conner na Internet Movie Database (n'inglés)
Biografía
Noticia del fallecimientu

Referencies

Traducíu direutamente de English Wikipedia

[a25052fff001a4e2537c087596fbc16673e6ad15-1] 1,0 ^1,1 Afirmao en: Internet Movie Database. Identificador IMDb: nm0175171. Data de consulta: 9 xunetu 2016. Llingua de la obra o nome: inglés.

[1]