Marian Nixon

Marian Nixon
Vida
Nacimientu	Superior (es) , 20 d'ochobre de 1904
Nacionalidá	Estaos Xuníos
Muerte	Los Angeles, 13 de febreru de 1983 (78 años)
Sepultura	Forest Lawn Memorial Park
Causa de la muerte	complicaciones quirúrxiques
Familia
Casada con	William A. Seiter (1934 – 1964); Ben Lyon (1974 – 1979)
Oficiu	baillarina, actriz de cine, actriz de teatru, actriz de televisión
Premios	ver Estrella del Paséu de la Fama de Hollywood ;
IMDb	nm0633260

Marian Nixon (20 d'ochobre de 1904, Superior ^(es) – 13 de febreru de 1983, Los Angeles) foi una actriz cinematográfica d'Estaos Xuníos.

Biografía

El so verdaderu nome yera Maria Nissinen, y nació en Superior, Wisconsin. Los sos entamos fueron bien modestos, y dende los quince años d'edá dependió de sigo mesma.

Siendo adolescente empezó a actuar como baillarina de vodevil, y debutó nel cine en 1922. En 1924 foi escoyida pola Western Association of Motion Picture Advertisers como una de les WAMPAS Baby Stars, xunto a prometedores actrices como Clara Bow y Dorothy Mackaill.

Tres un aprendizaxe faciendo d'inocente en filmes de xéneru western, foi llogrando trabayos de protagonista femenina frente a estrelles masculines como Raymond Griffith, Reginald Denny, John Barrymore, Richard Barthelmess, y Al Jolson. Amás, foi una de les poques actrices del cine mudu que superó con ésitu la transición al cine sonoru, trabayando xunto a la nueva estrella masculina James Cagney en Winner Take All (O tou o nada) (1932), anque la so imaxe almibrada diba quedando pasu ente pasu desfasada. El so debú nel sonoru foi col papel de Mary Lane en Rainbow Man (1929), coprotagonizada por Eddie Dowling.

El 11 d'agostu de 1929 Nixon casóse con Edward Hillman Jr., na casa de los padres del noviu. El matrimoniu acabó en divorciu en 1933.

En 1934, intentó camudar la so imaxe interpretando un papel de comedia, al estilu de l'actriz d'esa dómina Gracie Allen, na película We’re Rich Again. El filme nun foi un ésitu. Sicasí foi beneficiosa nun aspeutu pa Nixon: casóse col direutor de la cinta, William Seitier, una unión que duró hasta'l fallecimientu d'él en 1964. Diez años más tarde, en 1974, la yá retirada Nixon casóse col actor y productor Ben Lyon, vilbu de l'actriz Bebi Daniels.

Marian Nixon finó en Los Angeles, California. Pola so contribución a la industria cinematográfica, recibió una estrella nel Paséu de la Fama de Hollywood.

Referencies

Lima, Ohio, How Cupid Two-Timed The Millionaire Playboy, April 9, 1933, Page 25.

Referencies

↑ Afirmao en: Internet Movie Database. Identificador IMDb: nm0633260. Data de consulta: 21 xunetu 2015. Llingua de la obra o nome: inglés.
↑ Afirmao en: autoridaes BNF. Identificador BnF: 14693313h. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

Enllaces esternos

Marian Nixon na Internet Movie Database (n'inglés)
Fotografíes de Marian Nixon

[ead629a8d2ed35c3c58307e947fab42a1d14b8d1-1] Afirmao en: Internet Movie Database. Identificador IMDb: nm0633260. Data de consulta: 21 xunetu 2015. Llingua de la obra o nome: inglés.

[334f20921fb67c62227dd446763fa9781ff55534-2] Afirmao en: autoridaes BNF. Identificador BnF: 14693313h. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[1]

[2]