Mando Diao
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Mando Diao | ||
|---|---|---|
 | ||
| Datos xenerales | ||
| Orixe |
Borlänge Suecia | |
| Información artística | ||
| Xéneru(os) | Garage Rock | |
| Periodu d'actividá | 1995 - anguaño | |
| Sellu discográficu | Universal Music Group | |
| Miembros | ||
|
Gustaf Norén Björn Dixgård Carl-Johan Fogelklou Samuel Giers Mats Björke | ||
| Enllaces esternos | ||
| Sitiu web oficial | http://www.mandodiao.com y http://www.mandodiao.com/site/enterpage.php | |
| Discogs | 226953 | |
| mandodiaomusic | ||
| Mando_Diao | ||
| IMDb | nm2371927 | |
| [editar datos en Wikidata] | ||
Mando Diao ye una banda de garage rock, con toques de los sesenta, procedente de Borlänge, Suecia. El nome de la banda vien dau a raís d'un suañu d'un de los cantantes, Björn Dixgård.
La banda ñaz en 1995, cuandu Dixgard yera componente d'una banda nomada Butler, siendo el guitarrista y cantante con un rock ente mórbidu y dellicáu. Los miembros d'esta banda camudaben continuamente, amás de que dalgunos dexaben la banda temporalmente y llueu tornaben (como Antono Grahnstrom o Fredrik Nilsson). Cuatru años dempués los que más enfotu-y punxeron (Björn Dixgård y Daniel Häglund, tecláu) a la banda decidieron tomar el proyeutu más seriamente. Dixgård atopóse entós con Gustaf Norén, al que-y propunxo un nuevu proyeutu musical. Falaron ente ellos pa realizar y reunir lletres de cancios escritos por ellos, daqué que durase seyes meses, y camudóse'l nome'l grupu pol de Mando Diao. Les sos primeres actuaciones foron en llocales de la ciudá natal de dambos, Borlänge, en 1999. Un escritor llocal describiólos como la meyor banda qu'había escuchao enxamás y que nun tenía contratu. Siguidamente la seición d'EMI en Suecia interesóse nellos y roblaron un contratu. Amás incorporáronse a la banda Samuel Giers y Mats Björke, batería y baxu respeutivamente.
En 2002 salió al mercáu el primer discu de Mando Diao Bring 'Em In en Suecia. Col so cimeru single Motown blood, consiguen grandes ésitos nel país. En 2003 Daniel Hänglund cuela de la banda siendo sustituíu per Mats Björke. Esi mesmu añu l'álbum internacionalízase col single Sheepdog. En 2004 el grupu ye aclamáu pola prensa musical, y ye consideráu una de les meyores bandes del añu. El segundu discu foi Hurricane Bar, que llanzárase al mercáu en 2005 con tres ediciones distintes, una p'Europa, otra pel Reinu Xuníu y otra pa Xapón, país enforma apreciáu polos miembros del grupu. Finando esi añu, dedicaron la canción You can't steal my love a la so querida Lynes, una xoven fan.
En setiembre de 2006 llanzaron el so tercer discu, Ode to Ocrashy, teniendo gran ésitu de forma perrápida. El canciu God Knows apaecía na banda sonora del FIFA 2006, d'EA Sports. N'agostu de 2006 realizaron una xira per Xapón y n'avientu otra per Europa. L'últimu single, Long Before Rock And Roll tuviera un gran xaréu.
Actuaren nos principales festivales musicales europeos como'l FIB Benicàssim, el Rock am Ring d'Alemaña o'l de Reading-Leeds n'Inglaterra. A lo llargo de 2008 actuaron n'España nel Rock in Rio de Madrid y nel Ebrovisión de Miranda d'Ebru.
Álbumes
[editar | editar la fonte]- Bring 'Em In 2002
- Hurricane Bar 22 de setiembre de 2004
- Ode To Ochrasy 25 d'agostu de 2006
- Never Seen the Light of Day 24 d'ochobre de 2007
- Give Me Fire! 2009
- Infruset 2012
- Ælita 2014
- Good Times 2017
- Bang 2019
- I Solnedgången 2020
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Mando Diao.
| Control d'autoridaes |
|
|---|
Datos: Q478814- Multimedia: Mando Diao