Lawrence Taylor

Lawrence Taylor
Vida
Nacimientu	Williamsburg (es) , 4 de febreru de 1959 (65 años)
Nacionalidá	Estaos Xuníos
Llingua materna	inglés
Estudios
Estudios	Lafayette High School (en) ; Universidá de Carolina del Norte en Chapel Hill
Llingües falaes	inglés
Oficiu
Oficiu	actor, xugador de fútbol americanu, lluchador profesional, actor de cine
Trayeutoria
Posición o especialidá	linebacker (es)
Pesu	111 kg
Altor	191 cm
Premios	ver Salón de la Fama del Fútbol Americano Profesional ;
IMDb	nm0852753
	LawrenceTaylor56.net

Lawrence Julius Taylor (nacíu'l 4 de febreru de 1959), moteyáu "L.T.", ye un deportista retiráu d'Estaos Xuníos. Xugó fútbol americanu na posición de linebacker mientres tola so carrera deportiva col equipu New York Giants na National Football League (NFL). Ye llargamente consideráu como unu de los meyores xugadores na historia del fútbol americanu profesional, y foi clasificáu como'l meyor xugador defensivu na historia de la NFL por ex-xugadores, entrenadores, y medios de comunicación deportivos como NFL Network y Sporting News.^[2]^[3]

Dempués de ser escoyíu como un xugador All-American en 1980 polos sos méritos deportivos nesi añu xugando pal equipu de fútbol americanu de la Universidá de Carolina del Norte en Chapel Hill, los Tar Heels, Taylor foi escoyíu polos Giants como la segunda seleición global del Draft de 1981 de la NFL. Anque'l so contratu causó discutiniu, por cuenta de les demandes del mesmu, dambos llaos de la negociación llegaron a un mutuu alcuerdu. Taylor ganó munchos premios como xugador defensivu na so temporada como novatu. A lo llargo de les décades de 1980 y 1990, Taylor foi un xugador peligrosu como linebacker esternu, y acredítase-y que provocó cambeos nos esquemes de los equipos defensivos, los esquemes preventivos de la llinia ofensiva y les formaciones ofensives usaes na NFL. Taylor permedió más de diez sacks en cada temporada dende 1984 hasta 1990, incluyendo una marca personal de 20.5 en 1986. Ganó trés Premios al Defensivu del Añu y foi nomáu como'l Xugador Más Pervalible de la NFL (MVP) pol so rendimientu mientres la temporada de 1986. Foi nomáu como xugador titular del equipu All-Pro en caúna de les sos primeres nueve temporaes y foi un xugador clave nel equipu defensivu de los Giants, moteyáu como "The Big Blue Wrecking Crew", qu'ayudó a New York a ganar nos Super Bowls XXI y XXV. Mientres la década de 1980, Taylor y los sos compañeros d'equipu, Carl Banks, Gary Reasons y otru miembru del Salón de la Fama, Harry Carson, diéron-y al cuerpu de linebackers de los Giants la reputación de ser unu de los meyores na NFL. Taylor tamién ye miembru del Salón de la Fama del Fútbol Americano Profesional.

Taylor tuvo un estilu de vida revesosu, mientres y dempués de la so carrera deportiva. Almitió utilizar drogues como la cocaína dende'l so segundu añu como profesional na NFL, y foi suspendíu en delles ocasiones por esa lliga por fallar los exámenes anti-drogues. El so abusu de drogues foi n'aumentu dempués del so retiru deportivu, siendo encarceláu en trés causes por intentu de posesión de sustancies controlaes. Dende 1998 hasta 2009, Taylor vivió sobriu y ensin consumir drogues. Trabayó como comentarista deportivu tres el so retiru, intentando tener una carrera como actor. La so vida personal quedó espuesta al escrutiniu públicu en 2011 cuando se declaró culpable del delitu de conducta sexual desaparente con una muyer menor d'edá.^[4]

Referencies

↑ Afirmao en: Gemeinsame Normdatei. Data de consulta: 4 mayu 2014. Llingua de la obra o nome: alemán. Autor: Biblioteca Nacional d'Alemaña.
↑ Whitley, David. espn.com (ed.): «L.T. was reckless, magnificent]» (inglés). Consultáu'l 7 de mayu de 2012.
↑ Sansevere, Bob (8 de xineru de 1994). Knight Ridder (ed.): «Giants' L.T.: His mean streaks revolutionized NFL, made him the best» (inglés). Consultáu'l 7 de mayu de 2012.
↑ . Dempués de dir a xuiciu, Taylor foi rexistráu como un abusador sexual de baxu riesgu. Lawrence Taylor sentenced to six years' probation. Los Angeles Times. 22 de marzu de 2011. http://latimesblogs.latimes.com/sports_blog/2011/03/lawrence-taylor-sentenced-to-six-years-of-probation.html. Consultáu'l 29 de marzu de 2012.

[bdd1b5299ec593f22acf22079c77e49944c36acb-1] Afirmao en: Gemeinsame Normdatei. Data de consulta: 4 mayu 2014. Llingua de la obra o nome: alemán. Autor: Biblioteca Nacional d'Alemaña.

[espn-2] Whitley, David. espn.com (ed.): «L.T. was reckless, magnificent]» (inglés). Consultáu'l 7 de mayu de 2012.

[Bob-3] Sansevere, Bob (8 de xineru de 1994). Knight Ridder (ed.): «Giants' L.T.: His mean streaks revolutionized NFL, made him the best» (inglés). Consultáu'l 7 de mayu de 2012.

[4] . Dempués de dir a xuiciu, Taylor foi rexistráu como un abusador sexual de baxu riesgu. Lawrence Taylor sentenced to six years' probation. Los Angeles Times. 22 de marzu de 2011. http://latimesblogs.latimes.com/sports_blog/2011/03/lawrence-taylor-sentenced-to-six-years-of-probation.html. Consultáu'l 29 de marzu de 2012.

[1]

[2]

[3]

[4]