Hato de Foces
| Hato de Foces | ||
|---|---|---|
| Orixe | España | |
| Xéneru(os) | música folk | |
| Discogs | 5782762 | |
| [editar datos en Wikidata] | ||
Hato de Foces ye un grupu musical aragonés del xéneru folk que foi fundáu n'Huesca, España.[1]
Historia
[editar | editar la fonte]El grupu nació en 1977 cuando un grupu de collacios amantes de la música tradicional empezaron a xuntase pa cantar ya interpretar cantares de grupos como Nuestro Pequeño Mundo, Nuevo Mester de Juglaría, Oskorri, Jarcha o Lana Bullonera, ente otros, grupos que foron referentes pa Hato de Foces. Nun foi hasta 1981, tres un esitosu conciertu, que'l so trabayu tornase veceru. A partir d'entós el grupu dedicóse a espublizar la música tradicional aragonesa, tanto vocal como instrumental, buscando nos cancioneros o recoyendo cantares por tradición oral. D'esta miente, recuperaron cantares populares en riesgu d'olvidu, recuperando tamién preseos como la gaita de boto aragonesa.[1]
Hato de Foces tomó'l so nome d'un llugar de Semontano nel que los pastores, al faese de nueche, abellugabense coles sos oveyes. El discu Hato de Foces (1999) dedican-ylo a Rafael Andolz. El grupu dexó los escenarios el 8 d'agostu de 2011, tres más de 35 años de trabayu y 550 conciertos.[1]
Componentes
[editar | editar la fonte]- Marise Aguilar (voz).
- Alfredo Callén García (baxu y voz).
- Salvador Cored (gaita de boto, flauta traversa, mandolina , bandurria, llaúd y guitarra).
- Jorge Marsó (batería y percusión).
- Carlos Montull (guitarra y llaúd).
- José Luis Ochoa Hortelano (voz, llaúd, guitarra y flautes duces, ente otros).
- Olga Orús (voz).
- Josu Ubierna (acordión).
Discografía
[editar | editar la fonte]- Amadruga (1983)
- En plena cuaje (1985)
- Tradición y fiesta (1986)
- Cuarto creciente (1989)
- Cantar de camíno (1992)
- Hato de Foces (1999)
- Errekeerre (2002)
- Estrella de Paz (2002)
- Chino Chano (2006)
Premios
[editar | editar la fonte]- Premiu Nacional d'Actualización de Música Folk, Guadalaxara (1987).
- Grupu Folk más votáu polos oyentes de Radio Nacional d'España (1989).
- Medaya d'Antena 3 (1985).
- Folclorista altoaragonés (1983, 1984 y 1986).
- Grupu más votáu polos oyentes del programa Trébede de RNE - Radio 3.
- Premiu Parrilla d'Oru, Huesca, 2009.
Referencies
[editar | editar la fonte]- ↑ 1,0 1,1 1,2 «Hato de Foces» (17 de payares de 2011). Consultáu'l 3 de febreru de 2017.
