Dionisio Fierros

Dionisio Fierros
Vida
Nacimientu	Vaḷḷouta, 5 de mayu de 1827
Nacionalidá	España
Llingua materna	asturianu
Muerte	Madrid, 24 de xunu de 1894 (67 años)
Estudios
Estudios	Real Academia de Belles Artes de San Fernando
Llingües falaes	castellanu
Profesor de	Joaquín Carpi y Ruata (es) ; Pedro de Madrazo y Kuntz (es) ; Luis de Madrazo (es)
Oficiu	pintor
	Participante Exposición Nacional de Bellas Artes (es) ; Exposición Universal de Londres (es) ; Exposición Universal de Filadelfia (es) ;
Emplegadores	Alfonsu XII
Trabayos destacaos	El pintor Manuel Castellano (es) ; Alfonso V (es) ; La salida de misa en una aldea de las cercanías de Santiago de Galicia (es) ; Episodio del reinado de don Enrique III de Castilla llamado el Doliente cuando al día siguiente de haber tenido que empeñar su gabán para comer corrige el orgullo y desmanes de los señores y ricoshomes de Castilla (es)
Premios	ver Encomienda de Número de la Orden de Carlos III ;
Influyencies	José de Madrazo (es) y Federico Madrazo (es)
Miembru de	Real Academia de Belles Artes de San Fernando ; Academia de Bellas Artes de San Salvador (es)
Movimientu	pintura romántica (es) ; costumismu
Xéneru artísticu	pintura de historia (es) ; pintura románica (es)

Dionisio Fierros Álvarez (5 de mayu de 1827, Vaḷḷouta – 24 de xunu de 1894, Madrid) foi un pintor asturianu.

Biografía

Nacíu n'ambiente rural, treslládase a Madrid a la edá de 14 años pa aprender l'oficiu de xastre, qu'abandona pa ser domésticu na casa del Marqués de San Adrián, poseedor d'una gran coleición de pintura, que Dionisio copia dafurto. Descubierta la so afición, la muyer de José María de Magallón, l'aristócrata al que sirve, regala-y los preseos de pintura y el marqués conviértese nel so proteutor, hasta'l puntu de que lu introduz nel taller del gran artista d'aquel tiempu, José de Madrazo, onde trabaya hasta 1884.

Nesta fecha abandona esti taller pa entrar nel del fíu de José, Federico de Madrazo, muncho meyor pintor que so padre, qu'acaba de regresar de Roma, y que yera sólo dos años mayor que'l so alumnu. Fierros completa la so formación asistiendo a les clases de l'Academia de San Fernando y al Muséu del Prado, onde estudia a los grandes maestros y copia a Velázquez.

La so presentación en público fízola nel añu 1858, nuna esposición entamada en Santiago de Compostela, na que presenta ocho obres (cinco retratos y tres composiciones) y recibiendo una medaya d'honor.

En 1885 Fierros dexa Madrid y treslládase a Galicia, dispuestu a trunfar como pintor, y dedícase al retratu d'encargu, xéneru nel que destacará con personalidá, ente realista y romántica. Permanez trés años en Galicia y pinta incansablemente retratos, paisaxes y escenes de xéneru, cola tipoloxía popular del país.

Participa na Esposición Nacional de Belles Artes de 1860 y gana una de les primeres medalles col so cuadru «Romería en las cercanías de Santiago», que prestixará en Madrid el xéneru costumista, tan cultiváu na so dómina. Viaxa a París y regresa a España pa siguir les sos correríes de pintoresquismu, que lu lleven a Salamanca, onde tamién dexa numberosos testimonios de la tipoloxía popular. Vuelve a presentase a la Nacional de Belles Artes en 1866, con un cuadru de tema históricu, tan popular nesi tiempu, y algama la medaya d'oru. Esti mesmu añu ye nomáu caballeru de la Orde de Carlos III, una de les máximes distinciones del Estáu español.

Hacia finales de la década de los setenta torna a Asturies y fai un encargu del Rei Alfonsu XII pa El Escorial, «El éxtasis de Santa Teresa», al tiempu que sigue la so pintura de xéneru y de retratos, protexiu pola familia Herrero, de banqueros, a cuyu fundador fai un retratu de cuerpu presente, unu de los exemplos más raros de tola pintura española.

De nuevo en Madrid, Fierros muerre de repente, a los 67 años d'edá, cuando se diba a presenciar una corrida de toros.

N'Asturies existen obres de Dionisio Fierros nel Muséu Casa Natal de Xovellanos (Xixón), Muséu de Belles Artes d'Uviéu o la coleción Caxastur.

Referencies

↑ ^1,0 ^1,1 URL de la referencia: https://www.museodelprado.es/coleccion/artista/fierros-alvarez-dionisio/3a244081-dfc7-4e30-9f5d-ff636f7af0c9. Apaez como: Dionisio Fierros Álvarez. Data de consulta: 9 ochobre 2017.
↑ URL de la referencia: https://realacademiabellasartessanfernando.com/es. Data d'apertura oficial: 1752. Allugamientu de la sede: Palacio de Goyeneche.
↑ Influíu por: romanticismu. Llocalización: España. Historia: sieglu XIX.

Enllaces esternos

Obres del autor pertenecientes a la Coleición Caixanova

[32ca2a583fd9ba9df7a03d2e4746a8f71b9ef639-1] 1,0 ^1,1 URL de la referencia: https://www.museodelprado.es/coleccion/artista/fierros-alvarez-dionisio/3a244081-dfc7-4e30-9f5d-ff636f7af0c9. Apaez como: Dionisio Fierros Álvarez. Data de consulta: 9 ochobre 2017.

[e8816ebb117986da68bf9b624b2fd846eb4bb8ed-2] URL de la referencia: https://realacademiabellasartessanfernando.com/es. Data d'apertura oficial: 1752. Allugamientu de la sede: Palacio de Goyeneche.

[c28c2f09eb76bec8f1f52c9465ed7d24ddbae6fd-3] Influíu por: romanticismu. Llocalización: España. Historia: sieglu XIX.

[1]

[3]