Coenagrion mercuriale

Coenagrion mercuriale

Coenagrion mercuriale, ye una especie d'inseutu odonato de la familia Coenagrionidae de tamañu pequeñu a medianu (20 a 45 mm); col cuerpu más o menos finu y pates y abdome curtiu. Tienen la cabeza allargada transversalmente y los güeyos separaos. Los adultos inmaduros polo xeneral son más pálidos, de color castañu claru con llinies o manches blancucies. Les ales son agosties, dambos pares con forma y venación similares.

Distribución

La mayoría de les sos cites europees son antigües y na mayoría de los países onde foi citada dalguna vegada, tópase escastada o en cayente notable. Solo esiste un númberu notable de especímenes n'Italia, nel sur-suroeste de Francia, onde la especie ta en cayente, y n'España, onde anicien les poblaciones más numberoses. Nel Magreb les cites son escases, pero nun paez ser bien rara, en delles comunidaes rexonales españoles, la especie figura nel so llibru coloráu d'especies protexíes, conu vulnerable n´Extremadura o cuasi amenaciada, NT, n´Asturies

Hábitat

Na Península Ibérica, Coenagrion mercuriale habita preferentemente en cursos d'agua de pequeñes dimensiones, soleyeros y con vexetación emerxente bien desenvuelta, regatos pocu caudalosos, regueros o canales de riego ente praos o campos de cultivu, dacuando con escasu caudal.

Bibliografía

• Schorr, M. and Paulson, D. 2015. World Odonata List. Tacoma, Washington, USA . Consultáu'l 28 d'abril de 2016.

• Datos: Q302116
• Multimedia: Coenagrion mercuriale
• Especies: Coenagrion mercuriale