Buddy Lester

Buddy Lester
Vida
Nacimientu	Chicago, 16 de xineru de 1917
Nacionalidá	Estaos Xuníos
Llingua materna	inglés
Muerte	Los Angeles, 4 d'ochobre de 2002 (85 años)
Causa de la muerte	cáncanu
Estudios
Llingües falaes	inglés
Oficiu	comediante, actor de cine, actor de televisión, actor
IMDb	nm0504424

Buddy Lester (16 de xineru de 1917, Chicago – 4 d'ochobre de 2002, Los Angeles) foi un actor de cine y televisión d'Estaos Xuníos.

Biografía

Nacíu en Chicago (Illinois), yera l'hermanu menor del tamién actor Jerry Lester. Foi intérprete habitual de los llargumetraxes de Jerry Lewis, ente ellos The Patsy, The Ladies Man, The Nutty Professor, Three on a Couch, Smorgasbord, Hardly Working y The Big Mouth. Tamién foi Vince Massler, unu de los componentes de la banda xunto a Frank Sinatra na película Ocean's Eleven (1960), y Davey Kane na comedia The party, de Peter Sellers.

Amás interpretó al corredor d'apuestes Sidney na serie televisiva Barney Miller y a Peter Evans, un xugador, na segunda temporada de la serie Gomer Pyle, USMC. Na temporada televisiva 1963 - 1964 foi Nick nel programa The New Phil Silvers Show, de Phil Silvers y xunto a los actores Stafford Repp, Herbie Faye, Elena Verdugo, Ronnie Dapo y Sandy Descher.

Lester finó por causa de un cáncer en 2002 na ciudá de Los Angeles (California). Tenía 85 años d'edá.