Bright Star Catalogue
El Bright Star Catalogue (n'inglés Catálogu d'Estrelles Brilloses), conocíu tamién como Yale Catalogue of Bright Stars o Yale Bright Star Catalogue, ye un catálogu estelar qu'inclúi toles estrelles que la so magnitú aparente ye 6,5 o menor, qu'equival aproximao a les estrelles visibles a güeyu.
Pa cada estrella contién la siguiente información:
- Identificaciones incluyíes n'otros catálogos
- Identificaciones d'estrella doble o múltiple
- Indicaciones de variabilidá y designadores de variable
- Posiciones ecuatoriales pa B1900.0 y J2000.0
- Coordenaes galáctiques
- Datos fotoeléctricos fotométricos UBVRI (si los hai)
- Tipu espectral d'alcuerdu al sistema de clasificación MKK
- Movimientu propiu (J2000.0)
- Paralax
- Datos de velocidá radial y de velocidá de rotación
- Información sobre estrelles múltiples (númberu de componentes, separtación y diferencia de magnitú ente elles)
El catálogu contién 9110 oxetos, de los que 9096 son estrelles; catorce de los oxetos catalogaos na compilación orixinal de 1908 son noves o oxetos extragalácticos que se caltuvieron pa caltener la numberación, pero la mayor parte de los sos datos omitióse. La seición de comentarios ye llixeramente más grande que'l catálogu principal.
Anguaño'l Bright Star Catalogue ta disponible en llinia na so quinta edición dende delles fontes. Anque l'abreviatura del catálogu ye BS o YBS, les cites de les estrelles indexaes nel catálogu utilicen HR enantes del númberu de catálogu, por cuenta del so predecesor, el Harvard Revised Photometry Catalogue de 1908, fechu pol Harvard College Observatory.
Ver tamién
[editar | editar la fonte]
Referencies
[editar | editar la fonte]- ADC/CDS Standard Document for Bright Star Catalogue (Astronomical Data Center)
Referencies
[editar | editar la fonte]Enllaces esternos
[editar | editar la fonte]- The Bright Star Catalogue (Alcyone)
- Versión del catálogu online (VizieR)