Automobile Dacia

Automobile Dacia
	AUTOMOBILE-DACIA S (mul)
	productor d'automóviles y negociu
Llocalización
Sede	Mioveni (es)
Direición	Rumanía
Forma xurídica	sociedá por acciones
Historia
Fundación	1966
Orixe del nome	Dacia
Organigrama
Dueñu	Renault
Direutor executivu	Denis Le Vot (1r xineru 2021)
Sector
Industria	industria del automóvil
Productos destacaos	automóvil
Participación empresarial
Organización matriz	Renault; Alianza Renault-Nissan-Mitsubishi
	Web oficial

Dacia (na pronunciación rumana, /'dat͡ʃi.a/) ye un fabricante d'automóviles de Rumanía propiedá del grupu Renault dende 1998. Dende'l 2004 produz los modelos Dacia Logan, Dacia Solenza y una tresformación "pick-up" del vieyu Renault 12, comercializáu por Dacia como Dacia 1300 dende la década de 1970 y con variaciones que nomáronse Dacia 1310, 1400 y 1410. Esti modelu conozse nel esterior de Rumanía (comercializóse en países como Turquía, Reinu Xuníu, Rusia, Canadá o Arxentina como Dacia Denem.

Historia

Primeros años

La marca foi creada pol estáu rumanu col ánimu de desendolcar la industria del país. Col oxetivu de abaratar costes y d'acelerar el procesu de puesta en marcha del proyeutu, na década de 1960 entamáronse negociaciones p'algamar la llicencia de construcción de un modelu de tipu mediu. Neses negociaciones estudióse la fabricación de modelos como'l Peugeot 204, Fiat 1100D, Alfa Romeo 1300, Austin Mini Morris. A la fin, el Renault 10 foi l'elixíu pal so ensamblax na fábrica de Colibași, nes llendes de la ciudá de Pitești. El primer coche Dacia 1100 salió de fábrica'l 3 d'agostu de 1968. Esi coche [[qu'entá se conserva, foi ofrecíu a la familia del entós mandatariu rumanu Nicolae Ceaușescu.

Un añu dempués entamóse la fabricación del más popular Dacia, el modelu Dacia 1300. Foi amás l'aniciu de la esportación rumana d'automóviles.

Dende entós, el modelu siguió produciéndose con delles modificaciones nel aspeutu esterior y nes motorizaciones. Fixéronse versiones familiar (wagon), deportiva, "hatchback" (cinco puertes) y "pick-up" con una o dos cabines. Nesta última versión, y con tracción a les cuatro ruedes, siguió fabricándose dempués de la integración de la marca na matriz Renault, nel 1999. Dende la década de 1970, la firma rumana fizo dellos prototipos de valoratible comercialización. Foron modelos como'l furgón Dacia Jumbo o l'utilitariu Dacia Star.

Década de 1980 y 1990

Na década de 1980, Dacia entamó nes sos instalaciones de Timișoara del modelu Dacia 500. La situación de crisis económica nel país quíxose afrontar con un vehículu de baxu coste, pequeñu, con un motor de 500 centímetros cúbicos, un consumu de 3,3 llitros a los 100 quilómetros y 106 km/h de velocidá máxima. Por embargu, la so producción pesllóse nel 1989. Pa entós, la marca ya desenvolvía na fábrica Pitești el modelu Dacia Nova, tamién nomáu Lastun, qu'entamaba una nueva etapa na historia de la marca. Yera un modelu de turismu mediu desendolcáu íntegramente pola casa rumana y qu'asitiaba'l futuru papel de la mesma. Nel 2000, la integración en Renault sirvió pa la creación del Dacia Supernova, con componentes de la firma francesa. En setiembre de 1999, asoleyóse la integración de Dacia na matriz Renault. Pa entós, los responsables de la casa rumana siguieran delles conversaciones con otros grupos automovilísticos. Yá dende la década de 1980, Dacia algamara alcuerdos de collaboración col grupu PSA Peugeot-Citroën, y dos años enantes de la firma con Renault, firmara una llicencia cola coreana Hyundai pa fabricar 50.000 Hyundai Accent y 100.000 motores Hyundai pa los modelos propios Dacia. La casa coreana decidió abandonar l'alcuerdu al añu aduciendo incertidumes nel mercáu automovilísticu.

Dende l'añu 2000

A la fin, l'alcuerdu con Renault fízose públicu'l 2 de xunetu de 1999. Rumanía asoleyó la firma col oxetivu d'algamar el papel entamáu años atrás pola checa Škoda nel grupu Volkswagen. Renault anunció los sos planes de reconversión de la firma rumana, con abondos recortes de plantía y una inversión de 356 millones d'euros. Ello foi acompañáu pol entamu del diseñu d'un nuevu modelu, de baxu coste y, en principiu, dirixíu a países emerxentes. Foi'l nomáu proyeutu X90, comercializáu dende 2004 como Dacia Logan. La so apaición supunxo'l fin de producción del Dacia Solenza, modelu deriváu del Supernova.

Modelos

Dacia 1100 (1968-1971)
Dacia 1300 (1969-1983)
Dacia 1310 (1983-2004)
Dacia 500 (-1989)
Dacia Nova (1995-2000)
Dacia Supernova (2000-2003)
Dacia Solenza (2003-2005)
Dacia Logan (2004-anguaño)

Referencies

Enllaces esternos

Web oficial, n'inglés, francés y rumanu
Web de Dacia n'España Archiváu 2005-04-27 en Wayback Machine
Modelos Dacia d'anteriores époques
Coches rumanos (n'inglés)
Dacia Logan MCV Archiváu 2007-01-11 en Wayback Machine