Atolón de Namdrik
 Atolón de Namdrik | |
|---|---|
 | |
| Alministración | |
| Protectoráu |  Nueva Guinea Alemana |
| País |  Islles Márxal |
| Tipu d'entidá | atolón |
| Xeografía | |
| Coordenaes | 5°37′00″N 168°07′00″E / 5.6167°N 168.1167°E |
  Atolón de Namdrik Atolón de Namdrik (Islles Márxal) | |
| Superficie | 2.8 km² |
| Altitú | 3 m |
| Más información | |
| Estaya horaria | UTC 12:00 |
 | |
Namorik o Namdrik (en marxalés Nam̧dik [nʲæ͡ɑmˠ(ʌ͡ɛ)r̪ʲi͡ɯk]) ye un atolón coralín allugáu nel Océanu Pacíficu. Forma parte del distritru llexislativu de la cadena Ralik de les Islles Márxal. El so área terrestre ye de 2,8 km² y enzarra una llaguna de 8,4 km² d'estensión. Los atolones más cercanos a Namdrik son el de Jaluit a unos 145 km y el d'Ebon a 117 km.
L’atolón de Namdrik consta de dos islles namás. La más grande, que recibe’l nome de Namdrik, arrodia la llaguna dende’l sureste dica’l noreste ensin discontinuidá. Mientres, la más pequeña, llamada Matamat, enzarra la llaguna únicamente pela esquina noroeste. Dicha llaguna ta secándose y ta pesllada a embarcaciones.
Historia
[editar | editar la fonte]L'atolón de Namdrik foi descubiertu'l 15 d'avientu de 1792 pol capitán británicu Henry Bond, dándo-y el nome d'Islles de Baring. Posteriormente, pertenecieron a la corona española.
En 1884, l'atolón foi reclamáu pol Imperiu d'Alemaña xunto col restu de les Islles Márxal. Tres la Primer Guerra Mundial, la islla quedó baxo’l mandatu del Pacíficu Sur del Imperiu de Xapón. Col final de la Segunda Guerra Mundial, quedó baxo’l contro d'Estaos Xuníos como parte del Territoriu en fideicomisu de les islles del Pacíficu hasta la independencia de les Islles Márxal.
La mayoría de los edificios funcionen con enerxía solar, anque hai xeneradores na islla. Por mor de la so torga pa entrar na llaguna, los barcos d'abastecimientu deben esperar pel llau del océanu pa que los pequeños barcos de Namdrik viaxen ente’l barcu y la costa pa cargar y descargar tolos bienes.
En payares de 2011 dos pescadores de Kiribati perdíos 33 díes al debalu pel océanu apaecieron con vida en Namdrik.
Población
[editar | editar la fonte]Namdrik ye l'atolón más pequeñu habitáu de les Islles Márxal. En 2011 la población constaba de 508 persones.
Una de les actividaes más productives ye’l cultivu de perles negres [1]. Les perles tienen un altu valir, son fáciles de tresportar y nun son perecederes. El fechu de que la llaguna té enzarrada, ensin pasu a embarcaciones, permite que’l so agua seya prístino ya idóneu pal cultivu de les perles.
La comunicación col esterior, amás de por embarcaciones, faise tamién pela pista d'aterrizaxe qu'hai na fastera norte.
Educación
[editar | editar la fonte]Hai una Escuela d'Educación Primaria pública en Namdrik. Pa los estudios secundarios dependen del atolón de Jaluit.
Referencies
[editar | editar la fonte]Enllaces esternos
[editar | editar la fonte]
Wikimedia Commons acueye conteníu multimedia sobre Atolón de Namdrik.
| Control d'autoridaes |
|
|---|
Datos: Q697819- Multimedia: Namorik Atoll