Alfonso Alonso
_Acto_Sectorial_de_Dependencia_y_Mayor_(27077902323)_2016_(cropped).jpg)
.svg){kind=small}
Alfonso Alonso Aranegui (14 d'abril de 1967, Vitoria) ye un políticu y filólogu español. Ente 1999 y 2007 foi alcalde de Vitoria y ente 2008 y 2014, voceru del Partíu Popular nel Congresu de los Diputaos. Anguaño ye'l presidente del Partíu Popular del País Vascu.
Biografía
[editar | editar la fonte]Familia
[editar | editar la fonte]Ye de Vitoria, vien d'una influyente familia d'esa ciudá. El so güelu maternu, Manuel Aranegui y Coll, foi presidente de la Diputación d'Araba ente 1957 y 1966, mientres la dictadura franquista. La so familia paterna provién en parte de Donostia; Alfonso Alonso ye sobrín nietu, ente otros, de los tenistes José María Alonso Areyzaga y Manuel Alonso de Areyzaga, lo mesmo que de Asís Alonso Areyzaga, que foi tamién teniente-alcalde de la capital easonense. El so padre, Ramón Alonso Verástegui, ye pintor y mora en Tenerife dende 1975.
Alfonso Alonso ye llicenciáu en Filoloxía Románica y en Drechu por la Universidá del País Vascu y exerció profesionalmente como abogáu. Ta casáu y tien cuatro fíos: Jaime, Javier, Alfonso y Juan
Alcalde de Vitoria
[editar | editar la fonte]En 1996 entró nel conceyu de la so ciudá natal como conceyal.
Nes eleiciones municipales de 1999 la so candidatura foi la más votada, llogrando l'alcaldía. Nel añu 2000 encabezó la llista del so partíu por Araba, pero en 2001 arrenunció pa centrase nel so llabor como alcalde. En 2003 volvió a ganar les eleiciones municipales. En 2007 la llista más votada nel conceyu de Vitoria foi la de Patxi Lazcoz del PSE-EE, que foi investíu alcalde al nun presentar nengún partíu (incluyendo'l PP) candidatu alternativu. Un añu dempués de la so salida de l'alcaldía de Vitoria foi escoyíu líder del Partíu Popular d'Araba en sustitución de Ramón Rabanera.
Mientres la so segunda llexislatura como alcalde de Vitoria-Gasteiz (2003-2007), y con motivu del entamu de les fiestes patronales de la ciudá, la so presencia na balconada de la Plaza de la Virxe Blanca foi respondida con llanzamientos de güevos.
Diputáu nel Congresu
[editar | editar la fonte]Encabezó de nuevu la llista del PP por Araba nes eleiciones xenerales de 2008, formando parte de la direición del grupu parllamentariu popular nel Congresu de los Diputaos. Repitió nes eleiciones xenerales de 2011 y llogró la victoria na circunscripción d'Araba.
El 12 d'avientu de 2011 foi propuestu por Mariano Rajoy como voceru del grupu popular nel Congresu de los Diputaos pa la X Llexislatura,[2] cargu que desendolcó dende'l 13 d'avientu d'esi mesmu añu.
Ministru de Sanidá
[editar | editar la fonte]Tres la dimisión d'Ana Mato como ministra de Sanidá pol casu Gürtel, el 3 d'avientu de 2014 foi nomáu pol presidente Rajoy pa sustituyila nesi puestu.[3] El 15 d'ochobre de 2015 foi nomáu presidente del Partíu Popular del País Vascu tres la dimisión d'Arantza Quiroga dempués de que'l PP nacional obligára-y a retirar la so iniciativa pa crear una ponencia de Llibertá y Convivencia empobinada a tolos partíos del Parllamentu Vascu, incluyíu EH Bildu.[4]
Casu San Antonio
[editar | editar la fonte]En mayu de 2016 foi condergáu xunto con Javier Maroto, pol Tribunal de Cuentes, a pagar 393 000 euros polos prexuicios causaos nos fondos públicos de resultes del arriendu d'un llocal percima del preciu de mercáu mientres cuando yera alcalde de Vitoria, no que se conoz como Casu San Antonio.[5][6] Sicasí, dambos foron absueltos del mesmu casu'l 14 d'avientu de 2016 al envalorar que dicho arriendu entraba dientro del ámbitu de la discrecionalidá alministrativa.[7]
Candidatu a Lendakari
[editar | editar la fonte]El 1 d'agostu de 2016 foi proclamáu candidatu del PP a la presidencia del Gobiernu Vascu.[8] Nes eleiciones al Parllamentu Vascu de 2016, el so partíu llogró nueve parllamentarios, unu menos que na llexislatura anterior, entrando Alonso nel Parllamentu como diputáu pola circunscripción d'Araba.
Referencies
[editar | editar la fonte]- ↑ Identificador del Boletín Oficial del Estado: BOE-A-2021-21723.
- ↑ «Alfonso Alonso va ser voceru del PP nel Congresu». El Correo (12 d'avientu de 2011). Consultáu'l 20 d'avientu de 2011.
- ↑ «Alfonso Alonso, nuevu ministru de Sanidá, Servicios Sociales ya Igualdá», RTVE, 2 d'avientu de 2014.
- ↑ Mikel Ormazabal (16 d'ochobre de 2015). «Alfonso Alonso impon el so poder nel PP vascu en diéndose Quiroga». Consultáu'l 16 d'ochobre de 2015.
- ↑ «El Tribunal de Cuentes conderga a Alonso y Maroto a pagar 393.000 euros», El País, 13 de mayu de 2016.
- ↑ «Alonso y Maroto, condergaos pol casu San Antonio'», El Mundo, 13 de mayu de 2016.
- ↑ «El Tribunal de Cuentes absuelve a Maroto y Alonso pol asuntu del pagu d'un arriendu en Vitoria» (14 d'avientu de 2016).
- ↑ «Alfonso Alonso va ser el candidatu del PP a lehendakari», El País, 1 d'agostu de 2016.
Enllaces esternos
[editar | editar la fonte]
Wikimedia Commons acueye conteníu multimedia sobre Alfonso Alonso.
| Control d'autoridaes |
|
|---|
Datos: Q635164- Multimedia: Alfonso Alonso