Aeropuertu de Port Elizabeth

Aeropuertu Internacional de Port Elizabeth
	aeropuertu y aeródromu de tráficu comercial
	Impala Mk1 espuestu a la entrada al aeropuertuIATA: PLZ • OACI: FAPE
Llocalización
País	Sudáfrica
Provincies	Cabu Oriental
Coordenaes	33°59′S 25°37′E / 33.99°S 25.61°E
	Aeropuertu de Port Elizabeth Aeropuertu de Port Elizabeth (Sudáfrica)
Altitú	68 m
Historia y usu
Xestión	Airports Company South Africa (en)
Orixe del nome	David Stuurman; Port Elizabeth; Hendrik Frensch Verwoerd
Ciudá a la que sirve	Port Elizabeth
	Web oficial

LAeropuertu de Port Elizabeth (IATA: PLZ, OACI: FAPE), enantes aeropuertu H. F. Verwoerd, ye un aeropuertu allugáu en Port Elizabeth, Cabu Esti, Sudáfrica. L'aeropuertu ta empobináu y xestionáu pola Compañía d'Aeropuertos de Sudáfrica que tamién opera otros nueve aeropuertos en Sudáfrica.

L'aeropuertu ta allugáu a unos trés quilómetros del centru de la ciudá. Ye por ello que se ganó'l nome de "Aeropuertu diez minutos".

En 2007, l'aereollinies atendió a 1.491.551 pasaxeros.

Instalaciones

L'aeropuertu cunta con un bon grupu de tiendes y restorán, según caxeros automáticos y teléfonos. Tamién hai disponibles sales de xuntes.

Esisten hoteles nes proximidaes del aeropuertu. El tresporte terrestre ta apurríu por taxis. L'aeropuertu cunta tamién con aparcamientos y mostradores d'arriendu de coches.

Historia

El primer vuelu en Port Elizabeth llegó a Port Elizabeth dende Ciudá del Cabu en 1917, Efectuáu pol alcalde Allister Mackintosh Miller. Nesi momentu, esto considerábase un vuelu de llarga distancia, y supunxo l'empiezu de la industria de l'aviación civil en Port Elizabeth. Esti vuelu y munchos otros fueron retrataos por Ron Belling y atópense espuestos na Galería d'Arte Ron Belling.

L'aeropuertu de Port Elizabeth foi fundáu en 1929 nes proximidaes de la ciudá. Foi primeramente fundáu pol Teniente Coronel Miller, quien precisaba una pista pa efectuar el so serviciu postal ente la ciudá y Ciudá del Cabu. Foi oficialmente inauguráu unos nueve años más tarde, en 1936, dotáu d'una pista, un hangar y una plataforma de formigón. Sicasí, estes infraestructures fueron retiraes pa dexar más espaciu al aparcamientu de vehículos.

Mientres la Segunda Guerra Mundial, l'aeródromu foi ampliáu p'afaer a la 42 Escuela Aérea de la RAF y al 6º Escuadrón de la Fuercia Aérea Sudafricana nos llaos sur y esti del aeródromu. Les operaciones comerciales fueron allugaes nel llau norte. En 1954 tuvo llugar l'aterrizaxe del primer reactor de cinco places De Havilland Vampire FB9s.

La construcción de la terminal, pistes y torre de control empezó en 1950. Les operaciones comerciales fueron treslladaes a un aeródromu en St Albans, a unos 25 km del centru, mientres el periodu de construcción. Les nueves instalaciones fueron oficialmente inauguraes en 1955. En 1973 la plataforma foi ampliada p'afaer mayores aviones y una nueva terminal de salíes foi inaugurada en 1980. Les instalaciones dieron aguantu hasta 2000 cuando s'entamó una nueva terminal.

Aviones especiales

Agostu de 1998 - Un Boeing 747-400 de South African Airways aterrizó nel aeropuertu de Port Elizabeth pa ser bautizáu como 'Ibayhi' la pallabra Xhosa pa Port Elizabeth. L'avión aterrizó con un amenorgáu númberu de tripulantes y pasaxeros y col mínimu de combustible pa efectuar un aterrizaxe seguru na pista de 1.980 metros.

17 de mayu de 2004 - John Travolta aterrizó col so Boeing 707 de Qantas personal procedente de Mauricio pa visitar una reserva.

1 de febreru de 2008 - El Airbus A340-200 del Rei Abdullah II de Xordania aterrizó en Port Elizabeth nel so camín a Ciudá del Cabu cola so moto Harley-Davidson.

Infraestructura

L'aeropuertu tien tres pistes. La principal ye la 08/26 d'asfaltu de 1.980 metros de llargu, La segunda ye la 17/35 d'asfaltu y 1.667 metros y la tercera ye de yerba y tien 1.160 metros. Hai trelce puestos de estacionamiento en plataforma y l'edificiu terminal cuenta con 8.700 metros cuadraos. La remodelación de terminal va tener llugar en xunu de 2004 dexando al aeropuertu atender a dos millones de pasaxeros al añu.

Meyores

Como preparación pal Mundial FIFA 2010 la pista 08/26 posiblemente va ser ampliada de 1.980 metros a 3.000 metros en vistes a afaer a los vuelos internacionales.

Aviación

NDB - PD372.5
VOR - PVE112.9
ATIS - 126.80

Aereollinies y destinos

Aereollinies	Destinos
1Time	Ciudá del Cabu, Johannesburgu
British Airways operáu por Comair	Ciudá del Cabu, Durban, Johannesburgu
South African Airlink	East London, Umtata
South African Airways	Johannesburgu
South African Express	Ciudá del Cabu, Durban

Referencies

Enllaces esternos

ACSA - Información Xeneral del aeropuertu de Port Elizabeth
ACSA - Operaciones del aeropuertu
Operación Puff Adder, una simulación de desastre aereu nel aeropuertu de Port Elizabeth
Más información útil sobre l'Aeropuertu Internacional de Port Elizabeth - Historia, aereollinies, aparcamientu y arriendu de vehículos, fotografía aérea...
Semeyes aérees de Google Maps