ويكيبيديا مصرى
![]() | |
---|---|
موقع ويب | arz.wikipedia.org |
تجارى؟ | لأ |
نوع السايت | مشروع موسوعة انترنت |
التسجيل | اختيارى |
اللغه/اللغات | مصرى بالحروف العربى[1] |
مين صاحبها | ويكيميديا كومونز |
ويكيپيديا مصرى مشروع موسوعه حره اى حد ممكن يساهم فى كتابتها و مكتوبه بالمصرى[2] بطريقه اى مصرى يعرف يقراها. ويكيپيديا مصرى هى النسخه المصرى بتاعة ويكيپيديا, الموسوعه الحره. ويكيپيديا مصرى فيها 1,624,205 مقاله دلوقتى.[3]
ف يونيه 2020, ويكيپيديا مصرى كانت تالت لغه ف ويكيپيديا بيزورها يوزرز من مصر 961,000 قراية صفحه.[4]
اللغه
اللغه المصريه الحديثه او المصرى هى اللغه اللى المصريين بيتكلّموها فى مصر,[5][6][7] ابتدا تاريخها فى دلتا النيل حوالين بلادها الحضريه زى القاهره و إسكندريه.
اللغه المصريه الحديثه لغه بتتدرس فى جامعات و معاهد كتيره فى العالم و هى لغه بتعترف بيها المنظمه الدوليه للتوحيد القياسى (ISO), و كود اللغه arz بالنسبه لقانون المنظمه الدوليه للتوحيد القياسى (ايزو 639) . كود اللغه اتنشر اول مره فى ايزو 639-3 اللى اتنشر يوم 1 فبراير سنة 2007. المصرى لحد دلوقتى مالهاش صفه رسميه من الحكومه المصريه اللى مش بتعترف بيها على انها لغه مستقله. العربى القياسى الحديث و هو تجديد للغه العربى الكلاسيكى, هو اللغه الرسميه فى مصر, بس إبتدا الإهتمام بـ اللغه المحكيّه فى القرن التسعتاشر لما كانت الحركه القوميه المصريه الإستقلاليّه بتعمل نشاط.
تاريخ
ويكيپيديا مشروع فى اكتر من 300 لغه علشان تبقى موسوعه. ويكيپيديا مصرى فيها 1,624,205 مقاله دلوقتى, اقتراح النسخه المصريه (ويكيپيديا مصرى) اتحط على الميتا يوم 30 مارس 2008,[8] و صاحب الاقتراح كتب ان قصده توفير مصدر للمعلومات بلغة مفهومه لاى شخص عادى فى مصر عن طريق اقتراح الكتابه بلغه بيتكلمها ملايين و معترف بيها و رمز للمصريين فعلا فى الكلام و فيه فى مصر ناس تحب تكتب بيها و ليها مفرداتها و قواعدها. و بعد مناقشه اخدت اكتر من تلات شهور و نص اتوافق عليها.
نشاط
يوم 23 اغسطس 2024 عدد مقالات ويكپپيديا مصرى 1,624,205 مقاله و فيها 2,131,714 صفحة و10,487,491 تعديل و 244,980 يوزر متسجل و 198 يوزر نشيط و 7 إداريين [9]
مراحل التطور
- اقتراح النسخه المصريه (ويكيپيديا مصرى) اتحط على الميتا يوم 30 مارس 2008
- ويكيپيديا مصرى ابتدت فى الIncubator (إنكيوبيتور) فى 2 ابريل 2008.
- اتوافق عليها فى 23 يوليه فى ويكيمانيا 2008 فى إسكندريه.[10][11]
- ابتدا سايت النسخه المصريه (ويكيپيديا مصرى) الرسمى فى 24 نوفمبر 2008.[12][13]
- عدد مقالات ويكيپيديا مصرى عدا 100 مقاله فى 6 ديسمبر2008.[12]
- عدد مقالات ويكيپيديا مصرى عدا 200 مقاله فى 21 ديسمبر2008.[12]
- عدد مقالات ويكيپيديا مصرى عدا 500 مقاله فى 22 يناير 2009.[14]
- عدد مقالات ويكيپيديا مصرى عدا 1,000 مقاله فى 31 يناير 2009.[14]
- عدد مقالات ويكيپيديا مصرى عدا 2,000 مقاله فى 14 مارس 2009.[15]
- عدد مقالات ويكيپيديا مصرى عدا 3,000 مقاله فى 7 يونيه 2009.
- عدد مقالات ويكيپيديا مصرى عدا 4,000 مقاله فى 6 ديسمبر 2009.
- عدد مقالات ويكيپيديا مصرى عدا 5,000 مقاله فى 7 مارس 2010.
- عدد مقالات ويكيپيديا مصرى عدا 10,000 مقاله يوم 5 مارس 2013.
- عدد مقالات ويكيپيديا مصرى عدا 20,000 مقاله يوم 20 ديسمبر 2018.
- عدد مقالات ويكيپيديا مصرى عدا 25,000 مقاله يوم 27 نوفمبر 2019.
- عدد مقالات ويكيپيديا مصرى عدا 30,000 مقاله يوم 25 ديسمبر 2019.
- عدد مقالات ويكيپيديا مصرى عدا 40,000 مقاله يوم 1 يناير 2020.[16]
- مقالات ويكيپيديا مصرى عدت 50,000 مقاله يوم 6 يناير 2020.[16]
- مقالات ويكيپيديا مصرى عدت 60,000 مقاله يوم 11 يناير 2020.[16]
- تعديلات ويكيپيديا مصرى عدت مليون تعديل يوم 14 يناير 2020.[16]
- عدد مقالات ويكيپيديا مصرى عدا 70,000 مقاله يوم 17 يناير 2020.[16]
- عدد مقالات ويكيپيديا مصرى عدا 80,000 مقاله يوم 24 يناير 2020.[16]
- عدد مقالات ويكيپيديا مصرى عدا 100,000 مقاله يوم 1 فبراير سنة 2020.[17]
- عدد مقالات ويكيپيديا مصرى عدا 150,000 مقاله يوم 2 مارس سنة 2020.[18]
- عدد مقالات ويكيپيديا مصرى عدا 200,000 مقاله يوم 18 مارس سنة 2020.[18]
- عدد مقالات ويكيپيديا مصرى عدا 300,000 مقاله يوم 8 ابريل سنة 2020.[19]
- عدد مقالات ويكيپيديا مصرى عدا 400,000 مقاله يوم 26 ابريل سنة 2020.[19]
- عدد مقالات ويكيپيديا مصرى عدا 500,000 مقاله يوم 11 مايو سنة 2020.[20]
- عدد مقالات ويكيپيديا مصرى عدا المليون (1,000,000 ) مقاله يوم 28 يوليه سنة 2020.[21]
- عدد مقالات ويكيپيديا مصرى عدا المليون و نص (1,500,000 ) مقاله يوم 26 ديسمبر سنة 2021.[22]
طريقة الكتابه
طريقة الكتابه مشروحه فى صفحة طريقة الكتابه فى ويكيپيديا مصرى.
ويكيپيديا مصرى مكتوبه بالمصرى اللى بيتكلمه المصريين و مكتوبه زى ما بيكتبوها فى جواباتهم لبعضيهم و فى حياتهم اليوميه. المصريين بيكتبو المصرى فى الروايات, و المسرحيات, و القصايد الشعبيه و كمان فى المجلات الكوميدى و الإعلانات و شوية جرايد. ممكن الكتابه بالمصرى بأى طريقه طالما أى مصرى ممكن يفهمها. ما دام اليوزر يعرف يكتب بالمصرى ممكن انه يكتب اللى يعرفه فى ويكيپيديا مصرى.[23]
رد الفعل
فیه كلام كتیر حصل عن ويكيپيديا مصرى.[24] ممكن تلخيص الكلام إن فيه اراء مختلفه, هى اما تأیید او اعتراض او محايده.[2][25][26][27][28][29][30]
تأیید
المؤیدین بیقولو ان:[31]
- اللغه المصرى لغه مفهومه بيتكلمها ملايين و رمز للمصريين فعلا فى الكلام
- فيه ناس تحب تكتب باللغه المصرى, و هى لغه مش قاصره او ركيكه, و بيثبتو ده بأمثله زى قصيدة اسم مصر
- اللغه المصرى معترف بيها فى العالم و ثبت انها مؤهله لويكيپيديا و ويكشينارى.[8]
- اللغه المصرى هى أول لغه بيتعلمها المصريين من ابهاتهم و امهاتهم قبل ما يوصلو سن الخمس سنين.[32]
- المصريين ما بيحتاجوش دروس فى قواعدها و لا فى صرفها و لا نحوها لأنها الاقرب ليهم من كل اللغات.
- المصرى لغه سهله و بسيطه و متطوره و زى اى لغه حيه بتتطور كل يوم و تطورها نابع من الناس.
- اللغه المصرى ليها قواعد ثابته و مفرداتها كتيره قوى و تطور مفرداتها بيكون عن طريق استيعاب اى مفردات جديده من اى مصدر و تمصيرها بسرعه.
- مافيش حد مجبور انه يساهم فى ويكيپيديا مصرى.
اعتراض
المعترضین على ويكيپيديا مصرى بيقولو:[33][34]
- ويكيپيديا مصرى مالهاش لازمه لإن فيه ويكيپيديا عربى.
- اللغه المصرى قاصره و ركيكه.
- اللغه المصرى مالهاش قواعد ثابته و مفرداتها قليله علشان كده فيها كلمات انجليزى كتير.
- فيه مواضيع حساسه ماينفعش الكلام فيها باللغه المصرى.
- المصرى بيفهم عربى و لازم توحيد جهود كل العرب فى ويكيپيديا واحده.
- لو انفتحت ويكيپيديا لكل بلد لغته الرسمى عربى هيكون المشاركين فيها قليلين جدا.
- عدد المقالات عن الپورنو و ممثلى الاباحيه كتير.
- مافيش فايده من ويكيپيديا مصرى علشان المدارس والجامعات بتطلب البحوث والمعلومات والمقالات باللغة العربى الفصحا.
حياد
المحايدین بيقولو:
- ويكيپيديا مصرى لاهاتقدم و لا هتأخر.
- الناس من حقهم يجربو و مش هانخسر حاجه.
- مش صحيح أن ويكيپيديا عربى هاتخسر.
- المتحمس لويكيپيديا المصرى هو غالبا مش من فئة الناس اللى بيتحمسو لويكيپيديا عربى.
مواضيع مرتبطه
مصادر
- ↑ Wikipedia Masry rules of writing
- ↑ أ ب Hebdo.ahram.org.eg
- ↑ https://arz.wikipedia.org/wiki/خاص:احصائيات
- ↑ Page views by country - Egyptian Arabic Wikipedia, Wikimedia Statistics, read on July 13th 2020
- ↑ الأناضول. "اللغة المصرية الحديثة.. أول دراسة وصفية للغة المصريين". www.mugtama.com (in العربية). Retrieved 2022-07-30.
- ↑ Mugtama
- ↑ Almasri alyoum
- ↑ أ ب Meta proposal for wikipedia Masry
- ↑ لستة الويكيپيديات حسب عدد المقالات
- ↑ Wikinews
- ↑ In french lesdebate, Identity syndrome, wikipedia Masry
- ↑ أ ب ت [1]
- ↑ Academia.edu
- ↑ أ ب Wikimedia News
- ↑ Meta news 2009
- ↑ أ ب ت ث ج ح Meta news January 2020
- ↑ Meta news February 2020
- ↑ أ ب Meta news March 2020
- ↑ أ ب Meta news April 2020
- ↑ Meta news May 2020
- ↑ Meta News July 2020
- ↑ Meta News December 2021
- ↑ الاتحاد الكاثوليكى العالمى للصحافة- فرع لبنان
- ↑ NNI Language, identity and Wikipedia: Some perspectives from the Cairo “Wikipedia in the Arab World” workshop
- ↑ Shorouk
- ↑ Middle Esat online
- ↑ برنامج BBC Extra - بى بى سى القسم العربى
- ↑ الساعة التانيه لحلقة BBC Extra
- ↑ Almubasher.net
- ↑ Almubasher.net
- ↑ مقابلة على البى بى سى عربى مع مؤسس ويكيپيديا مصرى .
- ↑ Tutatuta
- ↑ الوكالة العربية للأخبار العلمية
- ↑ المصريين
لينكات برانيه
- ويكيبيديا مصرى – صور وتسجيلات صوتيه و مرئيه على ويكيميديا كومونز
- ويكيبيديا مصرى معرف مخطط فريبيس للمعارف الحره
- ويكيبيديا مصرى معرف مخطط فريبيس للمعارف الحره