اروح لمين

اروح لمين
غناء	ام كلثوم
اللغه	مصرى
انتاج	1958
الملحن	رياض السنباطى
المؤلف	عبدالمنعم السباعى
حفلات	سينما الزهراء بدمشق جنينة الأزبكية 1958-12-04 جنينة الأزبكية 1959-01-01 جنينة الأزبكية 1959-02-05 جنينة الأزبكية 1959-03-05 جنينة الأزبكية 1959-05-07 قصر النيل 1959-06-04 جامعة القاهرة 1959-10-20 قصر النيل 1959-11-05 مسرح اليونسكو - بيروت 1959-11-21 سينما أوبرا1960-01-07 دار الأوبرا 1960-01-14 جنينة الأزبكية 1960-04-07 ملعب البلدية بالمنصورة1960-05-07 قصر النيل. 1960-06-02 جامعة القاهرة 1961-02-07 جنينة الأزبكية 1961-03-02 جنينة الأزبكية 1966 حفل فرنسا الشهير

اروح لمين

كلماتها

أروح لمين و اقول يا مين ينصفنى منك

ما هو انت فرحى و انت جرحى و كله منك

أروح لمين و اقول يا مين ينصفنى منك ينصفنى منك

كلمه ونظرة عين والقسمه وياهم

جمعو سوا قلبين والحب مناهم

وبين ليالى المنا خذنى الهوا وياه

وكان وصالك هنا و كنت باتمناه

وبعد حبى شغلت قلبى و قسيت عليه

وكان منايا يدوم هنايا، ما دمش ليه؟

لوعنى حبك واليوم فى بعدك بيفوت سنين

و أروح لمين واقول يا مين ينصفنى منك ينصفنى منك ؟

يطول بعدك .. يطول بعدك

واعيش بعدك على شوقى و أشجاني

ما بين ماضى ما هوش راضى ينسينى و ينسانى و ينساني

وبين حاضر ما هوش قادر يسلينى فى حرماني

و أبات انعى أنا و دمعي

و اخبى دمع العين و ادارى من اللايمين

ليلمحو عنيا ويشمتو فيا

ولحد امتى هتبقى انت والشمتانين

أروح لمين و اقول يا مين ينصفنى منك ينصفنى منك

أروح لمين ومين ها يرحم أسايا

و اقول يا مين و مين ها يسمع ندايا

طول ما انت غايب ما ليش حبايب فى الدنيا دية

الفكر سارح والهجر جارح يا نور عنيا يا نور عنيا

شوف دمعى جارى سهران فى ناري

ولا انت دارى بالسهرانين

أروح لمين و اقول يا مين ينصفنى منك ينصفنى منك

شوف كمان

ليستة اغانى ام كلثوم