فيلم تقطاع
فيلم تقطاع ولا سلاشر (نّݣليزية: slasher film) هو نوع فني فرعي ديال أفلام لخلعة كايتمحور على سفاح كايتبع و يقتل ݣروپ د الناس، بستيعمال تويشية ماضية.[1] هاد لموصطالاح يقدر يشمل أي فيلم كايدور على سفاح سوا ب آلة ماضية سوا بلا. لموحليلين د لأفلام حطو شي خصايل لي كاتفصل مابين هاد النوع و لأنواع لفرعية لخرى د لخلعة. بحال أفلام لوحوش، سپلاطر، مافوق الطابيعة، و لخلعة النفسية.
.jpg)
لمختصين حددو شي خصايل حصرية كاتكون ف هاد النوع الفرعي، بحال، آخر ڤيكتيم كاتكون ف لعادة بنت، لماشاهيد الدموية، الضاحايا كايكونو ف عمر لموراهاقة، لبلاصة كاتكون شي ڤيلاج صغير ولا شي دار ف لخلا معزولة، السفاح ف لعادة كايكون عندو پاسي كحل و باغي ينتاقم، و كايكون لابس ماسك ولا وجهو محروق، مضيفورمي ولا مخسر، الشخصيات لي كاتكون كاتدير السيكس كايموتو لولين و لي عدرين كايموتو لخرين. ف لوقيتة لي أي فيلم ف هاد نوع مامحتاجش يكون فيه ݣاع هاد لخصايل مجموعة، ف لأغلب كاتكون فيهوم غير جوج. شي أفلام د التقطاع كاتخلط مابين نوع آخر د لخلعة ولا جوج.[2]
- لمجزارة د لمنشار الطيكساسي - 1974
- كريسماس كحل - 1974
- هالوويين - 1978
- 13 الجمعة - 1980
- كوشمار ف شاريع إلم - 1984
- لوعبة د الطفل - 1988
- غوتة - 1996
- عرفت شنو درتي الصيف لاخر - 1997
- ڤالينتاين - 2001