تاتسرت
تاتسرت
| ||
| النوع | لوغة و لغة حية | |
| تخدام | ||
| اللي كبرو بيها | 2,000 (2017) | |
| كايتهضر بيها ف | نيجر | |
| لوغة رسمية ف | منطقة طاوة | |
| لخصائيص | ||
| النّيڤو دالضعف | (4) فخطر كبير | |
| لوضعية داللوغة | 6b مهددة | |
| لفاميلة داللوغات | ||
| لوغة د بنادم لوغات أفرو-أسيوية لوغات أمازيغية لوغات أمازيغية غربية | ||
| لكواض لي كايعرّفو اللوغة | ||
| إيزو 639-3 | tez | |
| ڭلوطولوڭ | tets1235 | |
| إيطنولوڭ | tez | |
| يونيسكو | 2210 | |
| لوغات مهددة | 8509 | |
| ليستة د Linguist List | 1nl | |
تاتسرت أولّا تين سرت هي لوغة أمازيغية غربية كايهضرو بيها لقبايل التوارݣية ديال آيت أواري و كال إلغال فلجماعة دأكابينو فالنيجر. لمنطاقة اللي كايتهضر فيها بزّاف بهاد اللوغة كاينة مابين أكابينو، أبالاك وشادوانكا.[1] لمتغيّر اللي كايهضرو بيه كال إلغال كايسمّيوه تامْسغْلالْت. فلأدب لقديم اللي كاين باللوغة دتماشق، تاتسرت كاتكتب shin-sart / shin-sar / tin-sar (شين-سارْت، شين-سار، أولّا تين-سار).[2] لمصطلح اللي داير مابين لقبايل ديال آيت أواري هو tet-serret (تاتسرت) ولمقابل ديالو بتماشق shin-sart (شين-سارْت)، واللي كايعني 'لسان سرت' (سرت بلاصة كاينة فليبيا).[3]
تاتسرت هي آخر متغيّر أمازيغي كايتعتابر لوغة مستاقلّة. برنوس (Bernus) تعامل معا تاتسرت بحال إلا راها لهجة ديال التوارݣية حتال 1981[4]، وبعض لمصادير عتابروها لوغة صونݣاوية دالشمال.[5] أول حاجة عندها علاقة باللوغة دتاتسرت نشرها دروين Drouin ف1984، ولاكين لأطروحة ديال خامد الطيّوب ف2001 بيّنات شحال دلفرق كاين بين تاتسرّت والتوارݣية.
تاتسرت هي اللوغة لأمازيغية لوحيدة اللي بقات واللي كاتشارك تغيرات ديال النطق مع تاضونݣيت ديال موريطانيا.[6][7] هاد اللوغة فيها كلمات ماجايّينش من التوارݣية، بحال afagan (أفاݣان، بنادم) اللي كاينة فتمازيغت وسط لمغريب، aiddid (أَيْدّيد، جرة ديال جلد لمعاز كايدار فيها لما) اللي جاية من تاغديمسيت من ليبيا، وحتى awdosh (أَوْدوش، عضم) اللي جاية من لحسانية.
ݣاع الناس اللي كاتهضر بتاتسرت كاتدوي حتّى بتاولامت، واللي أتّرات فاللوغة ديالهوم.[8] بحساب 2011 مابقاوش لكبار كايهضرو بتاتسرت معا الصغار، الشي اللي خلّاها تولّي مهددة.[9]
- ^ Lux 2011:21, 40
- ^ Citations in Lux 2011:21
- ^ Walentowitz and Khamed Attayoub, 2001:28
- ^ "D’autres Touaregs parlent des langues qui ne sont que des variations dialectales du touareg : shin sar des Aït Awari, talasaghlalt des Kel Eghlal Enniger du sud de l’Azawagh". Bernus, E. 1981. Touaregs Nigériens : Unité culturelle et diversité régionale d’un peuple pasteur. Paris: Orstom, p. 72.
- ^ "L’étude des langues mixtes Songhay- Tamajaq parlées encore de nos jours dans la région – celles des tribus nomades de l’Azawagh : Igdalan, Aït Awari, Dahusahaq, Kel Eghlal Ninggər..." Marty, A. 1975. Histoire de l'Azawagh nigérien de 1899 à 1911. Paris, mém. de l'EHESS, pp. 16-17.
- ^ Lux Cécile. Etude descriptive et comparative d’une langue menacée : le tetserret, langue berbère du Niger. Doctoral thesis, University of Lyon 2, 2011.
- ^ Souag, Lameen. "The Western Berber Stratum in Kwarandzyey (Tabelbala, Algeria)", in ed. D. Ibriszimow, M. Kossmann, H. Stroomer, R. Vossen, Études berbères V – Essais sur des variations dialectales et autres articles. Köln: Rüdiger Köppe, 2010
- ^ Lux 2011:52
- ^ Lux 2011:54