वायुमंडल
वायुमंडल (संस्कृत केरौ शब्द वायु, आरू मंडल सँ) गैस केरऽ परत या गैसऽ सिनी के परत छेकै जे कोय्यो ग्रह क॑ घेरलौ छै, आरू ग्रह केरौ गुरुत्वाकर्षण द्वारा बंधलौ छै। कोय ग्रह तेखनी वायुमंडल के बंधलौ राखै छै जेखनी गुरुत्वाकर्षण बेसी होय छै आरो वायुमंडल के तापमान कम होय छै। तारकीय वायुमंडल कोनो तारा के बाहरी क्षेत्र छेकै, जेकरा मँ अपारदर्शी प्रकाशमंडल के ऊपर केरौ परत सिनी शामिल छै; कम तापमान केरऽ तारा म॑ बाहरी वायुमंडल होय सकै छै जेकरा म॑ यौगिक अणु होय सकै छै।
पृथ्वी केरौ वायुमंडल नाइट्रोजन (७८%), ऑक्सीजन (२१%), आर्गन (०.९%), कार्बन डाइऑक्साइड (०.०४%) आरू कुछु अन्य गैसऽ स॑ बनलऽ छै। अधिकांश जीव श्वसन केरौ लेली ऑक्सीजन केरौ उपयोग करै छै; चीरिंग आरू जीवाणु नाइट्रोजन यौगिकीकरण करी क॑ अमोनिया पैदा करै छै जेकरऽ उपयोग न्यूक्लियोटाइड आरू अमीनो अम्ल बनाबै लेली होय छै; गाछ, शैवाल आरो नील हरित शैवाल प्रकाश संश्लेषण के लेली कार्बन डाइऑक्साइड केरौ उपयोग करै छै। वायुमंडल केरऽ परतदार संरचना सूर्य केरऽ प्रकाश, पराबैंगनी विकिरण, सौर वायु, आरू ब्रह्मांडीय किरणऽ के हानिकारक प्रभाव क॑ कम स॑ कम करी क॑ जीवऽ क॑ आनुवंशिक क्षति स॑ बचाबै छै। पृथ्वी केरौ वायुमंडल के वर्तमान संरचना जीवित जीव द्वारा पुरावायुमंडल के सैंकड़ो करोड़ बरस के जैव रासायनिक संशोधन के उपज छेकै।