Kurọs Riva
Kurọs Riva (òrere Cross River State me usem Uket-chieen̄) ìre agan̄-mkpulu me agan̄ osiki me Naijiria. Egwen agan̄-mkpulu yi ibak Okwaan̄ Kurọs. Efieek ijọn̄ isan̄a me lek oka Agan̄ Mkpulu eyi Mbum-ura [Eastern Region] isa ichili agan̄-mkpulu yi me 27 Mêe 1967. Ama-ibot kan̄ ìre Kalaba. Agan̄-mkpulu echi òkukup ikana ọmọ ìre Benuwe me agan̄ inyọn̄, Ebọnyi mè Abia me agan̄ ichep-ura, Akwa Ibom me agan̄ osiki ichep-ura, sà agan̄ mbum-ura kan̄ oche okike ijọn̄ mèlek Kamerun.<ref3> Me adasi mgbọ ekigwen ọmọ Agan̄-mkpulu Osiki Mbum-ura [South-Eastern State] sabum eninwene erieen̄ ya me acha 1976. Agan̄-mkpulu Akwa Ibom òkup mgbọ keyi ìdasi ikup me emen Kurọs Riva sabum eniche ọmọ isan̄a me acha 1987.<ref4>
Me etete ama-mkpulu 36 cha òkup me Naijiria, Kurọs Riva ore òso akọp mè onaan̄ge (19) òmimin ichit me okike ijọn̄, mè ire òso akọp mè jaaba (27) ene ewabe ichit me emen. Otu-ifuk ebi ìluk me emen mîwa iraka efie 3.8 me acha 2016.<ref5> <Geographical features> echi òsisibi isi ichit me amgan̄-mkpulu yi ìre Okwaan̄ Kurọs eyi òcheche agan̄ emen agan̄-mkpulu yi irek iba sabum inenitap okike ijọn̄ inyi ọmọ me agan̄ ichep-ura. Ofifi okwaan̄ echi òkup me emen kan̄ ìre Okwaan̄ Kalabaa mè Okwaan̄ Kwa Ilile echi òkinan̄a me Okpurukpu Oban igbuk inin̄ agan̄ emen ama sabum ènelibi eraka me agbalek Ama-ile Kalabaa mè inilibi inin̄ otu-okwaan̄ Kurọs.
Me agan̄ ìkup oron oron me agan̄-mkpulu yi, owuwa ere ikan obembe òwa, kire Awak Ido eyi Okwaan̄ Kurọs, Okwukwek Anam-oron eyi Ogoon̄ Afi mè Oron ama eyi Ogoon̄ Mbe [Mbe Mountains Community Forest]. Me emen awak anam chi, mêmun̄ ebi kè <Preuss's red colobus, African forest buffaloi>, afian̄ eyi mkpukpo [bat hawk], <tree pangolin, grey-necked rockfowl, mè asakwut sọntiik inwọm [West African slender-snouted crocodile] mèlek usini echi ìsisik me lek Nriọọk Naijiria-Kamerun, <drill>, eniin̄ Afirika mè <gorrila> Okwaan̄ Kurọs.<ref6,7,8,9>
Ugwem mbubek agan̄-mkpulu yi ìchubọk ibieen̄ me lek iwop-uko. Mfut-uko ema ekiwop ìre ikpọ̀n̄, ukwa, kôok, rọba, mè ofiọọn̄. Ema mîkisi mbọm mun̄ si. Asabọn uwu-ǹrom mè emen kan̄ ìre ije-nsise [tourism] me ere awak anam cha mèlek Ewuuk Usọ eyi Ikọm [Ikom Monolith] òkup akarake oka mgbọ, Ulọyọk Kalabaa [Calabar Carnival] mè <Obudu Mountain Resort>. Kurọs Riva ore òso 13 me <Joint Human Development Index>.<ref16>