Steven Wilson

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Steve Wilson
Steve Wilson, 2018, ZMF Friburgo de Brisgovia
Información personal
Nombre	Steven John Wilson
Embotada
Naixió	3 de noviembre de 1967 Kingston upon Thames, Londres, Anglaterra, Reino Uniu
Murió
Información musical
Orichen
Estilo	Rock, pop rock, heavy metal.
Ocupancia	{{{Ocupancia}}}
Instrumentos	Cantaire y guitarrista
Tiempo	1983 – ...
Discograficas	{{{Discografica}}}
Relacionau con	Porcupine Tree
Pachina web	www.stevenwilsonhq.com

Steven John Wilson^[1] (naixiu de Londres o 3 de noviembre de 1967) ye un mosico britanico conoixiu por estar o fundador, vocalista, guitarrista prencipal y compositor d'a banda de rock progresivo, Porcupine Tree.

Estando Porcupine Tree o suyo prochecto prencipal, cal destacar atros como: Blackfield, No-Man, Bass Communion, Storm Corrosion u I.E.M. que configuran a suya ampla discografía. Amás ha colaborau con atras bandas como Opeth, King Crimson, Jethro Tull, Yes, Marillion, Orphaned Land, Anathema, entre atros, exercendo labors de productor y incheniero de soniu.

O suyo zaguer prochecto como solista se titula "Hand. Cannot. Erase.". Steven Wilson ye reconoixiu como un d'os compositors mas versatils d'o zaguer decenio, gracias a la suya polifacetica carrera, lo que l'ha levau a posicionar-se como un d'os maximos exponents d'o rock progresivo contemporanio.

Biografía

Naixiu de Kingston Upon Thames, Londres, Anglaterra, (pero resident de Hemel Hempstead, Hertfordshire, Anglaterra dende os seis anyos) Wilson descubrió o suyo amor por a musica a os ueito anyos. Isto empecipió un Nadal cuan sus pais le regaloron os discos The Dark Side of the Moon de Pink Floyd y Love to Love You Baby de Donna Summer.

O choven Steven Wilson pasó muito tiempo d'a suya nineza escuitando istos albums. Toz dos LP lo influencioron en a suya forma d'escribir cancions. Seguntes diz:

"...en retrospectiva puedo veyer como éls han estau cuasi completament responsables d'a endrecera que ha preso a mía musica dende alavez".

O suyo gusto por Pink Floyd desembolicó o suyo intrés por o rock espacial, rock progresivo y o rock experimental (eixemplificau por Porcupine Tree y Blackfield), y os ritmos hipnoticos de Donna Summer inspiroron o enfoque inicial d'a musica de No-Man, encara que a banda dimpués desembolicó un enfoque mas meditativo y experimental.

Estando nino Steven estió forzau a aprender guitarra, pero en no aprofeitar as clases sus pais deixoron de pagar-las. Manimenos a la edat d'11 anyos, Steven rescató una guitarra clasica d'a suya falsa, y empecipió a experimentar con ella, u en as suyas propias parolas:

"...rasmiando microfonos a traviés d'as cuerdas, intensificando o soniu resultant en un sobrecargau magnetofono de bobina ubierta y producindo una primitiva forma de grabador multipista por rebote entre dos maquinas de casete".

A la edat de 12 anyos su pai, un incheniero electronico, le construyó a suya primer maquina grabadora multipista, con a cual podió empecipiar a experimentar as posibilidaz de grabar en un estudio.

Adolescencia

No pasó muito tiempo antes que Steven prencipiase a fer bandas con os suyos amigos d'a escuela y prencipiase a tocar en vivo. Manimenos l'actividat que lo manteneba siempre satisfeito yera la d'experimentar con sonius y grabacions que él heba feito.

Entre os anyos 1983 y 1986 prencipió a grabar material ta enguerar en os suyos prochectos. Beluns d'ixos casetes han resurtiu a causa d'a creixent popularidat de Porcupine Tree. Un d'ixos prochectos estió o dúo psicodelico Altamont (con Steven wilson a la edat de 15 anyos treballando con Simon Vockings en os sonius electronicos). O suyo solo disco casete estió Prayer for a Soul, con as letras d'o escenista psicodelico britanico Alan Duffy, qui dimpués treballó con Wilson en dos cancions de Porcupine Tree: "This Long Silence" y "It Will Rain for a Million Years".

Entre que Steven treballaba con Altamont, estió tamién en a banda de rock progresivo Karma, con qui tocó en a redolada de Hertfordshire y con qui grabó dos casetes: The Joke's On You (1983) y The Last Man To Laugh (1985). Istos conteneban versions tempranas d'os temas "Small Fish", "Nine Cats" y "The Joke's On You", que posteriorment estioron resucitaus como temas de Porcupine Tree.

En iste punto as composicions de Steven Wilson conteneban vanguardismo, musica industrial, rock psicodelico y rock progresivo. Él yera, manimenos, amostrando-se mas intresau en a composición de letras y en a musica pop, lo que se contrimostró mas tarde en os suyos siguients treballos.

Inicios

En 1986 Steven Wilson publicó toz dos prochectos que le darían un nombre. O primer d'éls se clamó inicialment No Man Is An Island (Except The Isle Of Man), encara que con o tiempo sería renombrau No-Man. Prencipió como un prochecto instrumental solista de Wilson, mesclando rock progresivo con synth pop (antes de que s'adhibise a o prochecto d'o cantante y letrista Tim Bowness, con un subsecuent abance enta l'art-pop).

O segundo prochecto estió Porcupine Tree que estió orichinalment una parodia d'o rock psicodelico d'os anyos 60, que se fació por diversión con o suyo companyero de clase, Malcolm Stocks.

Entre os siguients tres anyos, os prochectos se desembolicoron y evolucionoron de traza paralela. No-Man tenió o suyo primer single comercial (en 1989 titulau: The Girl From Missouri, en Plastic Head Records). Entre que Porcupine Tree produció un augmento en a suya reputación underground, con a publicación de casetes a traviés de The Freak Emporium (l'ala de distribución por correu d'o sello psicodelico britanico Delerium Records).

En 1990 No-Man evolucionó enta una tresena de voz/vriolin/multi-instrumentos que heba incorporau ritmos de danza en a suya musica art-pop, publicando o suyo segundo single: "Colours".

Wilson teneba allora ganada a credibilidat d'a industria d'edición musical, (asinas como o financiamiento suficient pa equipar o suyo estudio con o equipo que amenistaba pa abanzar en a suya musica). En iste momento, tamién s'heba publicau lo disco debut oficial de Porcupine Tree, On the Sunday of Life... (que compiló o millor material d'as cintas grabadas anteriorment).

L'anyo 1993 veyió a consolidación de Wilson d'o suyo exito inicial con os albums de toz dos Porcupine Tree (Up the Downstair) y No-Man (Loveblows Y Lovecries - A Confesion). En zaguerías de 1993, Porcupine Tree s'inició como un cuarteto de musica en directo con Wilson, Barbieri, o baixista Colin Edwin y o ex No-Man en vivo o batería Chris Maitland.

A partir d'iste 1993, s'alterna l'aparición de nuevos discos de Porcupine Tree y No-Man. Tot y que No-Man se retiró de l'actuación en directo en 1994 (y no tornaría a os escenarios dica o 2006), a banda continó publicando un fluxo constant de discos con convidaus como Richard Barbieri entre atros, y ha manteniu una reconoixencia a traviés d'os anyos, asinas como reconoixencia d'a critica contina.

Porcupine Tree, por a suya parte, viachiaba con frecuencia (cada vegada augmentaba mas a suya credibilidat como una banda consistent). Y pasó por cuantas fases de manifestación de diferents estilos musicals (incluindo a psicodelia, o rock progresivo, rock moderno y o heavy metal) sin perder a esencia d'a imachinación sonica de Wilson y a composición. A meyaus d'os anyos 2000 Porcupine Tree s'ha convertiu en una banda de rock de gran exito con discos en os prencipals sellos discograficos como Atlantic y Roadrunner, con Wilson como compositor y cantaire. Tamién por ista epoca, Wilson heba teneba una alta requesta como productor y se le citaba como una fuerte influencia en os mosicos.

Equipo

Steven Wilson utiliza prencipalment guitarras Paul Reed Smith Custom 22, 24 y Singlecut, acusticas Babicz y en ocasions Alumisonic.

En o estudio utiliza as PRS, Gibson Les Paul, Fender Telecaster y Babicz acusticas, as grabacions d'os suyos treballos las realiza a traviés d'un equipo Apple PowerMac G5, se sabe que como muitos guitarristas o suyo PreAmp incluye un Line 6 P.U.D.

Steven Wilson emplega amplificadors Bad Cat.

Estilo

Ta os espectaclos Steven Wilson toca con os pietz descalzos o que fa pensar que tributa a David Gilmour. Iste costumbre particular se remonta a la suya infancia, en a cual recuerda:

"Siempre he teniu problemas con os zapatos y siempre he caminau con os piez descalzos".

Igualment, adhibe que unatro factor pa tocar descalzo ye l'avantalla que da en a operación d'os diversos pedales de guitarra. Wilson afirma:

"He pisau claus, tornillos, chinchetas, me firié o dido d'o piet, he plegau a salir d'os escenarios sangrando... ye decir, he teniu de tot, pero pa estar honesto, no me va a aturar cosa".

Utiliza una alfombra en o escenario pa mantener os suyos piez protechius.