Marie Pasteur

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Marie Pasteur
Marie Pasteur
Información personal
Naixida o:	15 de chinero de 1826
Naixida de:	Clarmont-Ferrand (Francia)
Muerta o:	28 de setiembre de 1910
Muerta en:	París (Francia)
Ocupación:	asistent cientifica

Marie Pasteur, naixita de Clarmont-Ferrand (Francia) lo 15 de chinero de 1826 y muerta en París o 28 de setiembre de 1910, yera l'asistent cientifica y colaboradora d'o suyo conchuche, o famoso quimico y bacteriologo francés Louis Pasteur.^[1]

Marie Pasteur estió una d'as fillas d'o rector de l'Academia d'Estrasburgo. Se casó en Estrasburgo o 29 de mayo de 1849, con 23 anyos d'edat, con Louis Pasteur, de 26 anyos.

Marie treballó como secretaria y escritora cientifica pa o suyo esposo. Ella estió a suya asistent activa en os suyos experiments cientificos. Treballó con él en l'ampliación d'as suyas primeras investigacions, arredol de 1848, sobre as observacions realizadas anteriorment por Alexander Mitscherlich sobre as diferents propiedaz opticas d'a luz polarizada de l'acido tartarico cuan proveniba de vins naturals u lías de vin y cuan se sintetizaba en laboratorio. Os alumnos y companyers de Louis Pasteur reconoixioron la importancia que ella teneba pa él en a suya quefer como asistent. Cautivó os cucos de seda que amenesteba pa lo suyo experimento con as suyas malautías, y se fazió cargo d'os ninos en os que prebó o suyo famoso tractamiento experimental. Se mudó con él a los suyas cambras en l'Instituto Pasteur y continó vivindo allí dimpués d'a suya muerte.

Pareixe que mientres anyos, o famoso cristalografo, fisico y matematico Jean Baptiste Biot, Madame Marie Pasteur y o pai de Louis, Jean Joseph, cooperaron pa brindarle refirme moral a Louis. Por eixemplo, en una carta de Biot a lo pai de Louis: tu fillo tamién ye o nuestro y tamién compartimos con Marie tot o nuestro amor por él. Tamién yera o filosofo Charles Chappuis en ista ret de refirme arredol de Louis.

A suya filla mayor, Jeanne, murió de calentura tifoidea, con 9 anyos, en Arbois. Luego, en 1865, Camille de 2 anyos tamién murió de tifus (u tabardiello), seguida por Cécile de 12 anyos y meyo o 23 de mayo de 1866. Nomás que Jean Baptiste y Marie Louise vivioron dica l'edat adulta. Jean Baptiste serba un soldau en a guerra franco-prusiana entre Francia y Prusia.

Marie Pasteur estió apedecada en a cripta de l'Instituto Pasteur.

Referencias

↑ (en) Marilyn Bailey Ogilvie (dir.) et Joy Dorothy Harvey (dir.): The Biographical Dictionary of Women in Cience: Pioneering Lives from Ancient Times to the Mid-20th Century, 2 vol., Taylor and Francis.

Datos: Q13666556

[1] (en) Marilyn Bailey Ogilvie (dir.) et Joy Dorothy Harvey (dir.): The Biographical Dictionary of Women in Cience: Pioneering Lives from Ancient Times to the Mid-20th Century, 2 vol., Taylor and Francis.

[1]