Kiss Me, Stupid

Kiss Me, Stupid
Títol	Kiss Me, Stupid
Póster d'a cinta.
Ficha tecnica
Dirección	Billy Wilder
Aduyant de dirección	Charles C. Coleman
Dirección artistica	Robert Luthardt
Producción	Billy Wilder
Disenyo de producción	Alexandre Trauner
Guión adaptau	Billy Wilder I.A.L. Diamond
Basau en	una historia d'Anna Bonacci
Musica	André Previn
Fotografía	Joseph LaShelle
Montache	Daniel Mandell
Escenografía	Edward G. Boyle
Maquillache	Loren Cosand Emile LaVigne
Peluquería	Maudlee McDougall Alice Monte
Casting	Lynn Stalmaster
Actors	Dean Martin Kim Novak Ray Walston Felicia Farr Cliff Osmond Barbara Pepper Doro Merande Howard McNear Tom Nolan Alice Pearce John Fiedler Cliff Norton Mel Blanc Henry Gibson
Color	Blanco y negro
Datos y cifras
País(es)	Estaus Unius
Anyo	1964
Debantadera	18 d'aviento de 1964 Los Angeles (California, Estaus Unius)
Chenero(s)	Cine de comedia Cine de romance
Durada	126 min.
Idioma(s)	Anglés
Companyías
Productora(s)	The Mirisch Corporation
Distribución	Lopert Pictures Corporation United Artists
Estudio(s)	Samuel Goldwyn Studios Universal Studios
Recauto	5 millons de dólars
Informacions en bases de datos especializadas:

Kiss Me, Stupid (títol orichinal en anglés, en aragonés Besa-me, ababol, enguerada en Aragón con o suyo títol traduciu enta lo castellano como Bésame, tonto) ye una cinta de cine estausunidense de comedia romantica enguerada l'anyo 1964, dirichida por Billy Wilder seguntes un guión adaptau por él mesmo y por I.A.L. Diamond (basau en una historia d'Anna Bonacci), con una banda sonora orichinal d'André Previn, una dirección de fotografía de Joseph LaShelle y una producción cinematografica a lo cudiau de Billy Wilder ta la productora cinematografica The Mirisch Corporation. Fan parte de l'elenco d'actors d'a cinta, en os suyos papels principals, Dean Martin, Kim Novak, Ray Walston, Felicia Farr, Cliff Osmond, Barbara Pepper, Doro Merande, Howard McNear, Tom Nolan, Alice Pearce, John Fiedler, Cliff Norton, Mel Blanc y Henry Gibson.

Dino ye un cantaire bien conoixiu no nomás que por as suyas cualidaz como tal, so que tamién por a suya fama de conqueridor de mullers. Bel día ye conducindo lo suyo luxoso automóbil, un Dual-Ghia marchando dende las Vegas enta Los Angeles y por un problema en a carretera se veye obligau a fer servir un esbarre, plegando en o lugar de Climax, en Nevada, a on i viven dos amigos compositors, Barney Millsap, qui treballa en una benzinera, y Orville J. Spooner, un profesor de piano con problemas por a suya zelosía. L'auto de Dino amenista benzina y s'atura en a benzinera de Barney ta repostar. Cuan iste lo reconoix, decide provocar una avería en l'auto ta que asinas se veiga obligau a romanir en o lugar y poder-le amostrar as suyas composicions. Finalment, consiguen que Dino accepte asperar que pleguen uns recambios ta lo suyo auto, ahuespando-se en casa d'Orville. Tanimientres, cuan iste conoix que Dino amenista fer l'amor cada nueit con una muller ta no tener dolor de cabeza, decide organizar una discusión con su muller ta que marche enta casa de su mai y Barney contracta a una prostituta, Polly, qui treballa en un local en l'arrabal d'a ciudat y vive en una autocaravana. Orville presenta a Polly a Dino como si estase la suya muller, pero cuan iste principia a amostrar intrés en ella, siente tamién zelosía y fa fuera a Dino, dirichindo-lo enta lo local a on treballa Polly, qui se queda con Orville. Tanimientres, Zeida, la verdadera muller, ha marchau chustament enta ixe local a beber, s'ha zafumau y la han convidau a descansar en l'autocaravana de Polly. Cuan Dino plega en o lugar, li recomanan chustament a Polly como una polida muller y l'adrezan enta l'autocaravana a on ye Zeida.

Kiss Me, Stupid s'ambienta en a suya epoca actual (1964) en Nevada, y las suyas escenas se filmoron en Los Angeles y Twentynine Palms (California) y en Las Vegas y Tonopah (Nevada), amás d'en os Samuel Goldwyn Studios en West Hollywood y los Universal Studios en Universal City en California.

Elenco

Actor	Papel	Notas
[[]]	'

Se veiga tamién

• Cine en 1964.
• Cintas de 1964.

Vinclos externos

• Se veigan as imáchens de Commons sobre Kiss Me, Stupid.

• Datos: Q1753868
• Multimedia: Kiss Me, Stupid (trailer screenshots) / Q1753868