Juniperus oxycedrus
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Juniperus oxycedrus | ||||||||||||||||
![]() | ||||||||||||||||
| ||||||||||||||||
Juniperus oxycedrus | ||||||||||||||||
Sibth & Sm |
O chinebro royo[1] (Juniperus oxycedrus) ye una especie de chinebro propia d'o clima mediterranio.
Caracteristicas
[editar | modificar o codigo]Ye un arbusto con fuella perén, que puet abastar os 10 m d'altaria y tien una copa muito densa con corma conica u ovalata, rematando a sobén en punta. Tronco grueso y dreito con crosta fibrosa, pardo grisenca, con fuellas verticilatas por tres, aciculars, tiercas, punchents, con dos linias blancas en la parte superior, separatas por atra de verdenca mes estreita. Ye una especie dioica, produce piez masclos y piez fembra.
A florata ye a fins d'hibierno y mientres a primavera, maturando as arcestidas (lo que pareixen fruitos), a la segunda anyata, los fruitos son globosos u ovoides, carnosos, pareixitos a bayas, con una color verdenca a lo principio, dimpués royo u pardo-royenco.
Subespecies
[editar | modificar o codigo]Ye una planta muito variable y bi ha bellas subespecies que se distinguen por a color d'as arcestidas, largaria d'as fuellas, etc.; Entre as suyas subespecies tenemos a:
- Juniperus oxycedrus L.subsp macrocarpa que vive en os arenals y dunas d'as costas. Tamién dito chinebro maritimo.
Habitat
[editar | modificar o codigo]Creixe en tot tipo de suelos y selvas, principalment en carrascals y atras selvas mediterranias, mantenendo-se cuan los tallan y soportando muito bien os suelos pedregosos y poco profundos; dende o ran d'o mar dica os 1000 m, on empecipian a estar escasos. Aguanta os climas secos.
Usos
[editar | modificar o codigo]A fusta ye aromatica, de color royenca, gran fin, muito resistent a la putrefacción, facil de treballar, s'ha feito servir en ebanistería, y da buenos pilars y vigas. Se cautiva como ornamental y pa formar setos.
Enantes se'n obteneba una resina medicinal clamata cresota en o Semontano de Balbastro y un aceite medicinal clamato miera.
Referencias
[editar | modificar o codigo]- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
Vinclos externos
[editar | modificar o codigo]Wikispecies tiene un articlo sobre Juniperus oxycedrus.
Se veigan as imáchens de Commons sobre Juniperus oxycedrus.
- (es) Juniperus oxycedrus en Árboles Ibéricos.